Lafaek News–Lider orgaun sobernia haat kompostu husi Prezidente Repúblika, Francisco Guterres Lú olo, Parlamentu Nasional, Aniceto Guterres, Xefe Governu Taur Matan Ruak ho Tribunal, Domingo (31/10/2021), presta omajen ikus ba mate isin, bispu dioseze Baukau, Dom Basilio do Nascimento Martins iha Igreja Katedral Dili.
husi organ ezekutivu nian Ministru Prezidénsia Konsellu Ministrus, Fidelis Manuel Leite Magalhães, akompañia Primeiru-Ministru, Taur Matan Ruak, hamutuk ho membru VIII Governu sira, hodi presta omenajen ikus, ba Mate isin, Amo Bispu Diosesz Baukau Dom Basilio do Nascimento.
Maske iha ambiente manas husi loron, maibe la hamate vontade, kompaixaun no inegridade sarani Katólika liu-liu munisipiu Dili kompostu husi parokia, Moatel, Balide, Aimutin, Komoro no Bekora hodi hala’o adorasaun dezde loron sábadu Lori loraik hafoin mate-isin evakua husi Mortuariu HNGV Mai igreja Katedra Dili hodi misa no kontinua kedan ba adorasaun.
Dom Basilio do Nascimento hakotu peregrinasaun ho Istória ne’ebé akompania ho natureza sira mos presta omenajen liu husi udan no Rai nakdoko, hodi simu lider Kristaun katólika Dioseze Baukau, Saudozu Dom Basilio do Nascimento Martins hodi ba hamutuk ho Aman Kadunan Santa iha Lalehan.
Mate isin Dom Basilio do Nascimento, kontinua konserva iha Katedral hodi hafutar ho misa no adorasaun hafoin lider kreda Timor Leste kompostu husi Dioseze Dili, Dioseze Maliana no sarani Dioseze Baukau hamutuk ho lider Nasional sira sei deside serimonia funebre.
Jornalista : Cresencia Ferreira
Editór : Agapito de Deus
