Lafaek News – Domingu (27/02/2022), tuku 8 kalan, kandidatu Prezidente Repúblika periodu 2022-2027, Tenente Jeneral Lere Anan Timur, aprezente hela vizaun no misaun iha studiu Tve-t, maibé aprezenta la ho ksolok bainhira seidauk remata derepente eletrisidade iha Raikotu mate total liu tiha minutu 30 lakan fila-fali hodi kontinua aprezentasa husi Lere Anan Timur.
Eletrisidade mate iha oras tuku 08:20 kalan ne’ebé Jeneral Lere Anan Timur aprezenta hela ninia Vizaun no misaun ba nia kandidatura Prezidente Repúblika periodu 2022-2027.
Vise Koordenadora III Media Komunikasaun IT Sandra Tilma informa, nia parte konsidera tuir lolos akontesimentu ne’e labele mosu tanba antes ne’e Tve fo sai ona informasaun ba públiku katak TVE sei halo interativu ho kandidatu prezidente repúblika Anan Timur atu aprezenta ninia vizaun no misaun ba povu Timor Leste.
Bainhira ahi mate hanesan ne’e mai ha’u pergunta rihun ida? Tansa tenke akontese? Será ke mundu demokrasia no direitu ba ema hotu atu hatoo ninia vizaun no misaun,” dehan Sandra ba Lafaek News iha studiu Tve-t Raikotu Dili, Domingu 27/02/2022.
Sandra relata, nia sente triste no kuitadu bainhira Kandidatu Jeneral Lere Anan Timur aprezenta ninia misaun no vizaun iha TVe-t seidauk hotu, eleteisidade area Raikotu mate.
Ha’u hanoin ema hotu iha diretu atu expresa ninia vizaun no misaun ba nia povu, bainhira eletrisidade ne’e mate hanesan ema povu baibain ha’u pergunta rihun ida, tanba sa tenke akontese hanesan ne’e? ha’u konfuzaun ba jestaun ema ne’ebé iha péritu kona-ba liña eletrisidade,” nia lamenta.
Nia akresenta, nia parte sente konfuzu ho hahalok sira hanesan ne’e, konfuzaun ho sira nia jestaun manageria sistema, konfuzu kona-ba ninia lideransa no mós konfuzu kona-ba ninia espiritu nasionalizmu.
Kandidatu sira seluk iha direitu atu espresu sira nia imformasaun tan sa Lere Anan Timur Labele? Ha’u hanoin eletrisidade mate ne’e laiha justu, tanba sidadaun ne’ebé atu espresa ninia hanoin no matenek iha palku liu-liu iha palku polítika nia leten ahi mate fali,” Sandra kestiona.
Sandra afirma, husu parte relevante tenke iha justu ba rai ida nee dala barak ema hotu dehan ida nee faillansung parte tenkniku maibe tenknika nee ema mak halo.
Ba ha’u pesoal hanoin Lere sukit ona no hanesan ai-tarak ida sona ona polítika nain sira ne’ebé hamrik atu kokotek, ne’e mak ahi ne’e mate hanesan ne’e ema hotu fila ba ida-idak nia sentimentu no konsiénsia atu interpreta kona-ba saida mak akontese husi kalan ida nee?, ema barak sempre dehan ida ne’e faillansu teknika maibé ha’u hanoin ida ne’e la bele akontese tanba, informasaun kona-ba Jeneral Lere atu aprezenta ninia vizaun ne’e fo sai antes ona maibe, tanba sa tenke akontese?” nia hakotu.
Entretantu observasaun Lafaek News iha terenu haree hafoin eletrisidade mate, partisipante sira halakan lampra telefone nian hodi haroman lemo ba estúdiu laran ba fatin ne’ebé kandidatu tuur nian, aprezentasaun paradu iha klaran durante minutu 20, liu tiha minutu 20 resin eletrisidade lakan fila-fali no Lere deside kontinua aprezenta ninia vizaun no misaun too remata.
Jornalsita : Orlando Magno
Editor : Agapito de Deus
