Lafaek News—Leonia da Costa Marques ho idade 17 oin morena, estudante husi eskolaEnsinu Sekundáriu N-01 Lautém sei assume responsabilidade isar bandeira RDTL iha aniversariu restaurasaun indepedénsia ba dala-19 iha loron 20 Maiu 2021, iha munisípiu Lautém.
Leonia ho nia kolega estudante na’in lima treinamentu hela kona-ba isar bandeira iha ES N-01 Lautem. imajen CE.
Leonia ho karakter oin hamnsa ba kolega sira ne’ebe eskola hamutuk iha eskola Ensinu Sekundáriu númeru 01 Lautém, no abitante ida husi aldeia Ipara-Ira suku Parlamentu Postu administrativu Lautém no oan husi Carlos da Costa (agrikultór) no Jorgina Marques
“Hau simu responsabilidade ho lori Bandeira nasionál ba tinan ne’e iha ami nia postu no anival munisípiu ha’u sente todan, maibé ha’u esforsa an ho di’ak atu nune’e ha’u bele susesu hasa’e no hatun bandeira nasionál iha munisípiu Lautém, ha’u sira hili hodi lori Bandeira nasionál tanba ha’u iha esperiénsia ona durante ne’e iha serimonia ba loron nasionál sira ha’u mak sai hanesan responsavel hodi hasae no hatun Bandeira nasionál iha postu administrativu ne’e,” Leonia ho oin hamnsa ba lafaek news iha Lautém foin lalais.
Leonia iha iha maun alin hamutuk nain 8, kompostu husi feto 2 mane nain 6, no nia oan ba dahaat, husi maun alin na’in ualu iha família simples ne’e.
“Estudante ne’e hatan ho fiara an katak ha’u la tauk hodi hasa’e no hatun bandeira nasionál ha’u sente orgullu no kontete bele simu kna’ar ne’e hodi lori Bandeira a nivel munisípiu Lautém, ha’u sei hakas an ho di’ak atu nune’e susesu iha ha’u nia misaun ida ne’e,” katak Leonia.
Bainhira hetan fiar ida ne’e husi autoridade munisípiu liu husi eskola ne’ebé povu kiik ne’e nia oan eskola ba, Leonia fiar an maske feto hanesan ema dehan feto mos bele hodi hatudu kapasidade iha públiku nia matan.
“Ha’u feto iha aldeia maibé ha’u fiar ha’u niaaan tanba ema barak dehan feto mós Bele hatudu ba públiku feto iha kapasidade hodi tane Bandeira nasionál ho dignu,” haktuir nia.
Observasaun lafaek news iha Lautém, Leonia ho nia ekipa oras ne’e simu treinamentu namanas husi PNTL eskuadra Lautém hahú husi kuarta foin lalais too ohin iha kampu futebol postu Lautém.
Jornalista : CE.Lautem
Editór : Agapito de Deus
