Lafaek News–Diretor Servisu Saúde Munisipiu Vikeke Fransisco de Carvalho dehan, atividade na familia ne’e iha buat tolu maka importante maka vizita domisiliáriu,vizita jerál, vizita espesífiku, no vizita epidemiolojia.
Entaun vizita domisiliariu ne’e iha buat importante, vizita jerál, vizita espesífiku, no vizita ida epidemiolojia, para bele haree direita populasaun hotu-hotu ne’ebé hela dook husi postu saúde sira,” dehan Fransisco de Carvalho ba jornalista sira iha Salaun delta Nova, kuarta 29/09.
Nia haktuir tan, ba da-daun ne’e provizoriamente vizita ne’ebé hala’o hela maka epidemoilojia atu bele indentifika família ne’ebé close contact husi covid-19 hodi halo intervensaun ba familia sira.
Implementasaun programa SnF ne’e rasik haree iha progresu intermus saúde nian Sufisiente, signifika kontinua hala’o rekrutamentu bazea ba mapamentu ne’ebé servisu saúde munisípiu Vikeke hatoo mai, no iha mos problema tanba jeografikamente Vikeke luan no kondisaun inklima udan hela nune’e difikulta movimentasaun ekipa iha atividade vizita família.
Ita tenke iha planu efeitu atu haree ita nia rekursu, hanesan iha postu saúde ida falta médiku hira?, falta infermeiru ka parteira?, ida ne’e maka tau iha planu atu rekomenda atu halo rekrutamentu ba programa saúde na família liu husi rekrutamentu rejime internatu,” tenik nia.
Jornalista : Sandi Belo
Editór : Agapito de Deus
