Lafaek News–Komunidade Zulo Taz postu administrativu Zumalai munisípiu Kovalima festeza tinan foun ho misa agradesimentu atu husu perdaun maromak ba maromak atu espli nafatin iha tinan foun ne’ebé mai da-daun.
Padre selebrante misa agradesimentu tinan foun, João Guterres esplika, iha nia parte husu sarani sira atu nafatin agradese nai luli maromak maske iha terus no ksolok laran.
Laiha ema ida mak hamnasa loos de’it husi loron 01/01/2022, tanba ne’e sarani katólika sira hotu nafatin agradese maske iha terus no ksolok laran no mos nafatin husu grasa ba maromak ho laran moos,” dehan padre selebrante João liu husi ninia omilia ba komunidade Zulo taz iha kapela sagrada familia Zulo taz, Kovalima, Kinta 31/12/2021.
nai lulik ne’e sublina, husi misa ida ne’e sarani hotu atu agradese ba maromak tanba ema hotu iha mundu atu husik ona tinan tuan 2021 no simu tinan foun 2022.
Transforma ita nia aan no mos transforma ita nia fuan hodi husu perdaun no grasa ba maromak atu ita lao nafatin ho maromak nia grasa iha tinan foun neebe mai dadaun ona,” nia relata.
Tuir observasaun jornalista lafaek news nota iha misa ne’e Zulo-Taz kompostu husi ferik-katuas joven no labarik sira hamutuk atus resin mak partisipa iha selebrasaun misa agradesimentu ne’e.
Jornalista : Orlando Magno
Editor : Agapito de Deus
