Lafaek News—Komunidade Aldeia Fatuneia suku Tibar postu Administrativu Bazartete munisípiu Likisá sente kontente ho diferénsia ambiente Tibar uluk no agora, tanba governu atual konsege kombate iis husi lixu Tibar.
Komunidade aldeia Fatunia, Joaquim Almedia haktuir, ambiente suku Tibar ida uluk ho agora diferente, governu Timor-Leste servisu hamutuk ho kompana Internasional oferese ona teknolojia modernu hodi hamenus lixu iha Tibar .
“Ho teknolojia ida agora ami sente kontente, tanba hamenus ona iis no lalar kompara ho tinan uluk hasusar tebes ami komunidade kiik suku Tibar,” Asuntu ne’e hato husi Komunidade Tibar, Joaquim Almedia ba Lafaek News, Sábadu 14//12//2024.
Joaquim argumenta, nudar komunidade nafatin rekomenda ba parte relevante tau matan ba estrada ne’ebé a’at, tamba komunidade barak mak hela iha estrada ibun, tenke hadia estrada ne’e largura atu labele fo impaktu ba komunidade sira ne’ebé kontinua halo uma iha estrada ninin.
“Ita ko’alia kona-ba ba lixu agora ne’e menus maibe’ nafatin iha estrada ne’e no insfrestratura basiko postu Bazartete Munisípiu Likisá ami husu ba parte relavante atu tau matan hela ba ami nia estrada ne’ebé durante iha tempu Indonézia nian too agora,
Iha fatin hanesan Xefe suku Tibar Marcelino Ananias Correia Lemos, hatutan hanesan Xefe Suku nafatin fo atensaun ba komunidade sira ne’ebé mak hela besik iha lixu fatin liu-liu sira ne’ebé hela besik kanu bee nian atu hadook sira husi moras husi Lalar no susuk liu-liu hanesan moras ISPA ba labarik sira ne’ebé mak hela besik iha lixu
Lider komunitáriu ne’e argumenta iha mos problema internal suku nian mak estrada maibé too agora laiha, dalan at kedas iha tempo Indonézia too agora. .
“Iha ona kompanha ida mak mai survey iha fatin refere, maibe too agora seidauk hetan rezultadu antes ne’e kompanha ida ho inisiativa rasik mai haree ami nia kondisaun estrada iha suku ida ne’e, maibe to agora laiha rezultadu.
Entertanto suku Tibar posto Administrativu Bazartete munisípiu Likisá kompostu husi aldeia 4 no total populasaun rihun 7 ho Uma kain husi aldeia 4 ne’e total 1.415.
Jornalista Magan : Natalia de Jesus
Editor : Agapito de Deus
