Lafaek News—Kompania Tratorindo Unipesoal. LDA entrega ona ekipamentus lima hanesan makina pezada tolu, Karreta Triton ida no Ambulansia ida ba Instituisaun Gestao dos ekipamentus (IGE), IP hodi apoiu serbisu iha area remotas.
Tuir Project Magament Kompana Unipesoal LDA, Didit Margono hatene, durante asina kontratu iha fulan maiu 2021 iha ne’ebé kontinua kedas serbisu manutensaun ba ekipamentus pezadu ne’ebé iha IGE to’o entrega uluk ona lima.
“Ami entraga ekipamentu pezadu hamutuk 5 ba IGE ne’e la siginifika hotu ona no iha ekipamentus pezadu balun mak ami sei hadia no iha tempu badak ami sei intrega ba iha IGE”, dehan Project Magament Kompana Unipesoal LDA, Didit Margono, ba jornalista iha kolmera, sesta, (19/11/2021).
Iha fatin hanesan Presidenti Instituisaun Gestaun Ekipamentus (IGE) Emenigilda da Costa Laurentina, hatete, kompania Tritorindo LDA mak sai tenderlizasaun no manutensaun ba ekipamentus maibé entrega ona lima ba IGE hodi halo serbisu ho povo sira iha area remotas ne’ebé mak hetan inudasaun.
“Bazeia ba atividade ida ne’e ba kontratu ne’ebé mak iha husi kontratu Tratorindo ne’ebé mak fulan hira liu ba sira mak sai vensador tenderlizasaun no manutensaun ba ekipamentus pezadu Intituisaun Gestao dos Ekipamentus nian i ohin sira intrega makina tolu ambulansia ida ho Triton ida” hatete Presidenti konsellu administrasaun IGE.
Nia imforma, makina pezadu ne’ebé mak intrega husi kompania Tratorindo sei halo serbisu hamutuk ho povo tanba haree ba Fatin ne’ebé maka akontese hela deit husi inudasaun.
“IGE preparadu ona tanba ita iha ona esperensia kalminidade 4 Abril nia katak IGE serbisu hamutuk nafatin ho ita nia povu sira iha treinu liliu ita iha situasaun Estadu Emergensia katak makina hirak ne’ebé maka iha ami esforsu para bele serbisu iha situasaun Emergensia nian laran” Nia Esplika.
Entretantu orsamentu ba makina pezada tolu, kareta Triton ida no Ambulansia ida ne’e hamutuk U$ 25. Mill. Tuir lolos kompania Tratorindo entrega ekipamentus hamutuk 23 ne’ebé ho orsamentu $225 mill, maibé entrega uluk lima tanba seluk sei halo manutensaun.
Jornalista : Joni Mau Risa
Asisten Editór : Pedro de Almeida
