Lafaek News—Governu Korea liu husi Ajénsia KOICA iha Timor Leste, kinta (14/11/2024), vizita escola Ensinu Pre-Eskolar Manutasi munisípiu Atauro hodi haree diretamente dezenvolvimentu husi susu-been ne’ebé labarik sira konsumu ona,
Iha vizita ne’e, simu direta husi Diretora Pre-Escolar Manutasi, Zelia Elizabeth Lopes Mouzinho inklui akompnia husi Prezidente Autoridade Munisipiu Atauro.
“KOICA vizita mai ha’u nia eskola atu haree liu kona-ba susu-been ne’ebé sira ajuda ba iha pre escolar Manutasi, la’os de’it pre-escolar Manutasi, maibé 11 pre-escolar iha munisípiu Atauru ne’e, sira haree oinsá labarik sira hemu susu-been ne’e atu haree sira nia dezenvolvimentu husi susu-been, maibé la’os susu been de’it, ho nia mistura ba hahán lokál hanesan batar úut, ida ne’e mak durante KOICA apoiu tinan rua, la’os ne’e de’it KOICA mos apoiu material hanesan sasan dapur nian,” Zelia ba Lafaek News iha Pre-Eskolar Manutasi administratisaun Atauro, kinta (14/2024).
Diretor Pre-Escolar Manutasi ne’e relata, iha vizita ne’e mos KOICA observa diretamente labarik sira nia todan lu husi tetu kilu, sira mos haree diretamente ba labarik sira nia tetu atu nune’e bele hatene sira nia susu-been ne’ebé durante ne’e sira fo haree ba labarik nia todan no altura inklui labarik nia liman kabun, maibé iha ne’e mudansa duni, tanba sira nia susu-been ne’e fo lor-loron hela de’it, la’os dehan semana ida dala ida la’e, maibé ne’e lor loron hela de’t no hahán merenda escolar ne’ebé fornese husi estadu depois ida ne’e sira hemu mos ho susu been.
“Sira mos vizita ho biblioteka ne’ebé sira fo apoiu, semana ida estudante no ema liur sira mai lee hare livru depois de ida ne’e ba oin sira mos fo apoiu mos ami nia kantaderos, ne’ebé ohin ami la ko’alia klean liu ba ida ne’e, durante ne’e mos sira fo formasaun ba ami profesores sira no mos inan-aman sira kona-ba susus been nia nutrisaun sira no mos iha komponente tolu, mak hanesan ai-han forsa no ai-han haburas, no ai-han protesaun total estudante hamutuk 67 feto hamutuk 32 mane no mane 35.
Diretora Pre-Escolar, rekomenda ba Ministériu Edukasaun servisu hamutuk ho ajénsia internasional sira hodi kontinua fo tulun ba pre-eskolar sira iha Timor Leste nudar meius hodi atu kontribui ba prosesu dezenvolvimentu iha setor edukasaun.
“Ha’u nia rekomendasaun ba parte rua ne’e hotu liliu ba Ministériu Edukasaun ninia hanoin ou apoiu ba ajénsia sira ne’ebé halo apoiu ba nasaun ida ne’e ha’u agredese ba diretora KOICA bele hakat liu mai ha’u nia escola mai haree diretamente saida mak iha ami nia escola no labarik sira no sira nia programa ne’ebe durante sira fo apoiu mai iha ha’u nia escola pre escolar, nomos ba escola sira seluk,” Zelia hakotu.
Jornalista : Maria José
Editor :Agapito de Deus
