Lafaek News—Loron 27 fulan Agusto 2024, Konsellu Imprensa marka istória foun ne’ebé estabelese ona akordu foun ho ajénsia internasional United Nation Development Program (UNDP) ho objetivu kapasita jornalista Timor-oan sira ho kualidade.
“Seremonia ohin ne’e importante tebes ba KI ho UNDP asina nota entendimentu ida ne’e katak governu Japaun aprova konstrusan foun, RTTL no governu Japaun no povu Japaun apoiu millaun 6 atu halo konstrusaun ne’e, IX governu husu atu osan ne’ebe Japaun fo millaun 6 lábele ba konstrusaun de’it, maibé se bele formasaun ba jornalista sira, tanba ne’e governu Japaun UNDP konkorda husi osan seis milhões ne’e bele tau osan uitoan ba fo formasaun ba jornalista sira,” SEKOMS Expedito Dias Ximenes ba Jornalista sira iha salaun KI Kintál Boot, 27/08/204.
Tanba ne’e, IX governu liu husi SEKOMS husu atu formasaun ba jornalista no entrega ba iha konsellu de imprensa mak sei hala’o programa formasaun ba jornalista sira ne’ebé hala’o kna’ar iha media nasional.
Iha Sorin seluk, Prezidente Konsellu Imprensa, Otélio Oté, haktuir formasaun ba jornalista sira iha asuntu rua atu fahe klase sira tuir oráriu kompostu husi jornalizmu ambienták no formasaun debate públiku.
“Parte ida husi fundos governu Japaun fo liu husi UNDP, aleinde formasaun kona-ba formadór sira UNDP ho Konsellu Imprensa sei koopera atu buka formador rai-laran no formador husi rai-liur, Otélio Oté sublina.
Jornalista: Maria José/Jonaida Corte-Real
