Lafaek News—Konsellu Imprensa iha trimestre da-toluk nota katak media nasional barak husi media eletrónika no imprime ladún tau atensaun ba asuntu feto iha Timor Leste.
Asuntu ne’e hatoo husi Prezidente Konsellu Imprensa, Otélio Ote, ba jornalista sira iha salaun KI, Segunda semana ne’e, iha monitorizasaun KI iha trimestre datoluk nota média sira ne’ebé durante halo notisia, maibé barak liu mak ladún tau atensaun ba assuntu feto.
“Iha trimestre da Toluk Konsellu Imprensa nota katak sei iha nafatin meius- komunikasaun sira produs produtu jornalistiku kontra kódigu jornalista nian barak liu iha neba la halo notisia ida ne’ebé fontes liu husi fontes ida no la halo notisia ida ne’ebé ekuilibro husi konten ou fontes ne’ebé hakerek iha notisia ida, KI mós nota katak durante trimestre da toluk média sira ladun tau atensaun ba assuntu feto,” dehan Prezidente KI, Otélio Ote.
Jestór Konsellu Imprensa ne’e akresenta iha publikasaun balun sempre kondena feto ka feto mak sai alvu ba titulu notisia ou titulu ho kontéudo husi notisia liu-liu kona-ba kazu violénsia doméstika sira hanesan feto so’e bebe, maibé dala barak média sira kondena liu mak feto.
Iha sorin seluk, Benevides Correia Barros, katak KI iha planu anuál klaru halo análiza no monitorizasaun trimestrál ba média sira tantu plataforma dijitál no mós média konvensionál sira.
“Tanba saida mak halo ánaliza no monitorisasaun ne’e atu haree infrasaun ne’ebé jornalista sira halo kona–ba kódigu étika no padraun sira ne’ebé ita produz ona,”
Entretantu durante monitorisasaun KI nian iha trimestre da toluk identifika ona media balun ne’ebé mak halo notisia konsidera nu’udar bias gender no estereotipu jéneru tanba halo julgamentu no media hirak ne’e komete infrasaun hasoru kódigu étika jornalista nian.
Jornalista : Felix Fernandes
Editor : Agapito de Deus
