Lafaek News—Konsellu Imprensa (KI) tersa 16 Jullu 2024, ofisialmente asina akordu ho Ministériu Públiku ho intenionalmente atu promove no hametin liberdade imprensa iha Timor Leste..
Prezidente Konsellu Imprensa, Otelio Oté haktuir, Konsellu Imprensa asina akordu ho parte Ministériu Públiku, sira nia servisu mos hansan Konsellu Imprensa ne’ebé buka atu defende direitu povu Timor Leste.
“Hanesan ita boot sira asiste ohin KI assina kompetendementu ida ho prokurador jerál ita nian, parte ida husi ita nia kompremisiu KI atu koopera ho intituisaun sira ne’ebé, iha kna’ar importante relasiona ho area komunikasaun sosial, ita hatene MP nia servisu atu hanesan mos KI ne’ebé buka atu defende direitu ema nian ne’ebé ba direitu asesu informasaun, direitu ba liberdade opiniaun direitu ba liberdade espresaun, maibé ita mos hatene katak implementasaun, direitu sira ne’e iha parte balu ita presiza koopera ho ministério relevante, tanba produtu jornalístiku sira ne’ebé ita produz husi plataforma komunikasaun sosial sira ne’e lori mos efeitu pozitivu no negativu ba sira ne’ebé ba sidadaun sira, entaun ita husu kolabora ho MP atu asegura ita nia jornalista sira bele ezekuta sira nia profisaun ho livre ita mos buka atu MP ajuda ita atu eleva jornalista sira nia kuinesemento asuntu legal no oinsá ita koopera kona-ba lei sira ne’ebé produz relasiona ho aspeitu ne’ebé tama iha servisu ministériu públiku, ha’u hanoin ida ne’e importante,” Otelio Oté hatoo ba jornalista sira hafoin asina akordu kooperasaun ho MP iha KI Kintal Boot, tersa semana ne’e.
Iha fatin hanesan Prokuradoria Jerál, Afonso Lopes, hatutan asinatura nota entendimentu ida ne’e ho razaun oi-oin no razaun fundamental tolu mak sei servisu hamutuk entre MP ho KI.
“Assinatura protokolu ida ne’e halo tanba razaun oin-oin ne’ebé lolos la presiza temi iha ne’e, maske ha’u hakarak mensiona ida ne’e razaun tolu, husi razaun sira seluk dala uluk atu rekoñese papel importante imprensa nian ne’ebé livre ho konsulizasaun demokrasia país ne’ebé ita iha kualifikasaun justu nudar pilar ida husi pilar sira seluk estadu direito demokrátiku, ba dalarua natureza, independente Konsellu Imprensa ne’ebé asegura paralizmu hanesan ami nia setatutu ne’ebé iha paralizmu kuaze hanesan ne’ebé bele dezempena-funsaun sira ho di’ak iha kuadru autonomia independénsia ne’ebé sei la hetan interferénsia husi podér sira seluk, ba dala tolu razaun kona-ba faktus imstituisaun rua ne’e komunga kuadro rua ne’e asialojíku étika edentolójia ne’e Konsellu Superior nia estratura Konsellu Públiku ne’ebé ezerse funsaun hanesan aplikador, razaun hirak ne’e ho razaun seluk halo dezde inísiu,”Prokurador jerál Alfonso Lopes, haklaken lia hirak ne’e husi ninia diskursu.
Alfonso fundamenta, nudar Timor-oan presiza kuiñese didi’ak papél média no papel importante sira seluk tanba kultura la hanesan.
“Sim, ohin marka istória husi parte rua KI reprezenta komisarius sira estabelese esbossu ida ne’e depois ita hadia balu depois de fim agora ita formaliza nota intendementu ida ne’e nia finalidade ne’e KI ho MP bele reforsa Liberdade imprensa ne’ebé di’ak liu, ho responsablidade tanba hotu iha Timor ita país estadu direitu demokrátiku, tanba papel jornalista, no papel media importante iha RDTL, konsellu ida ne’e ho konsellu superior ministériu públiku ne ‘e orgaun disiplina identolójia étika ita respeita tanba ita rona katak ita nia imprensa ita nia media ne’e kuiñesido modu ne’e hetan grau elevadu iha mundo no Azia, ita mos tenki respeita kultura tanba kada país kultura la hanesan, Alfonso hakotu.
Observasaun Lafaek News nota iha serimonia asina nota entendimentu Konsellu Imprensa ho Ministeriu Publiku asina direta husi Prezidente Konsellu Imprensa, Otelio Ote, ho Prokurador Jeral Alfonso Lopes no hetan akompaniamentu husi Konsellerius KI nain haat.
Jornalista : Maria José/ Jonaida Corte Real
Editor : Agapito de Deus
