SOSIÁL · 28 May 2024 11:57 ·

Kbiit Laek Maria Empresta Foos Husi Viziñu hodi Sustenta Oan Sira Ninia Moris


Kbiit Laek Maria Empresta Foos Husi Viziñu hodi Sustenta Oan Sira Ninia Moris Perbesar

 Lafaek News—Moris hanesan ema kriatura maromak nian iha mundu rai-klaran ho grasa ida-idak la hanesan balun moris dignu balun fali moris iha situasaun difisil hanesan inan feton Maria Soares aihan uma laran menus tenke deside dada lona iha toos laran hodi asesu netik ba aihan local atu bele hatutan iis moris nian.

hadak leten ne’ebe Maria ho nia oan sira deskansa kalan nian. imajen Mateus F. de Deus.

Hanesan Inan kbi’it laek Maria Soares husi Aldeia Timor Kamanek, suku Bairo-Pite Munisipio Dili, ne’ebe da-daun daudaun sofre krize ekonomia uma laran no moris depende ba viziñu sira oferese aihan hodi moris.

“Ha’u nia moris lor-loron tesi ai ba faan atu sustenta oan sira ba Eskola no sosa hahan ba oan sira, durante ne’e estudante balum mak ajuda hela ami,  karik hahán laiha liu, Ha’u halai ba husu iha viziñu, depois Ha’u iha osan sosa fali foos fo Fila fali ba viziñu nian ne’ebe Ha’u ba empresta,” kbiit Laek Maria Soares informa ba Lafaek News iha lona okos toos laran, Kuluhi aldeia Timor Kmanek, tersa (28/05/2024)

Ho kondisaun saúde ne’ebé la favorese, pasiénsia tenke tesi ai habai maran hodi leba tuun ba sidade atu faan netik hodi bele hetan osan sosa foos lata ida rua ba sustentabilidade oan sira iha uma laran.

Oras ne’e da-daun, Maria deside ho nia oan sira dada lona iha toos-laran hodi hela atu bele tesi ai habai maran hodi futu leba ba sidade hodi faan bele hetan netik osan rahun uituan ba moris nian no sosa oan sira nia kadernu no lapizeira eskola nian.

Balde tau foos nian mamuk, ina kbiit laek Maria Soares seidauk iha osan atu sosa foos hodi enxe ba balde laran. imajen Mateus F. de Deus.

 “Kada ves ha’u tesi ai husi kalan to fali loron, toba lalais de’it, ha’u hadeer fali hodi kontinua tesi ai, tanba Ha’u haree ba balde foos nian mamuk  ona, Ha’u buka meus oinsá mak oan sira labele hamlaha no kontinua ba eskola, Ha’u hateten ba oan sira katak bele oinsá mos imi tenke ba eskola, atu nune’e labele sai hanesan ha’u,” hakruir inan kbiit laek Maria Soares.

Iha sorin seluk  Adelino Soares Hanesan viziñu ne’ebé ne’ebé sempre ajuda kbiit laek Maria Soares ho nia oan sira, haktuir ba Lafaek News, katak Maria Soares ema forsa laek hanesan mos ho nia (Adelino), maibé sempre husu hahán ba malu.

“Loos duni Maria Soares bainhira hahán laiha ona nia sempre mai ha’u nia uma hodi husu hahán, maibé ha’u mós fo tuir ha’u nia forsa, tanba ha’u mós ema difisiensia ain, tan ne’e, ha’u fo foos lata haat ou lima ba nia hodi tein ba nia oan sira, ou ha’u fo iha lafatik ida ba Maria ho nia oan sira, pois mak sira iha foos lori fali mai ami, ami sempre ajuda maluk maske ami mesak kbiit laek,” katak defisiénsia Adelino.

Hatan ba preukupasaun kbiit laek Maria Soares ho Adelino nian, Delegadu Xefe Aldeia Timor Kamanek, Leopoldina Soares Ximenes, haktuir realidade moris kbi’it Maria Soares nian mak hanesan ne’e duni nia Moris lor-loron tesi ai fan durante tinan barak no la hetan atensaun husi governu.

“Servisu ne’ebe Señora Maria halo mak faan Ai-maran hodi sustenta nia moris, ai maran ne’e la’os ema seluk mak sosa, maibe ami duni mak sosa, Maria Soares ho nia katuas oan la servisu hotu, tanba katuas oan husi Maria Soares moras difisiente mental, moris lor-loron mak faan ai-maran hodi sustenta nia oan na’in 8 ho nia bei oan ida hamutuk na’in 9, no realidade durante laiha ema ida mak tau matan, ha’u husu ba ministériu relevante atu bele tau matan ba Maria Soares atu sosa netik kalen ruma hodi bele taka nia uma tanba sira nia uma lori au-betun mak taka de’it, ha’u mós husu ba ministériu relevante atu bele tau matan hodi selu netik tia Maria nia oan ida ka rua ba eskola,” delegada xefe aldeia Timor Kmanek ne’e rekomenda.

Maria ho nia oan sira haan hela dosi gabby ne’ebe jornalista Lafaek News oferese liu husi vizita espesial ba hela fatin Maria Soares iha toos laran Kuluhi aldeia Timor Kmanek nian suku Bairo-Pite Dili Timor Leste. (28/05/2024) imajen Mateus f. de Deus.

Iha Observasaun Jornalista lafaek news iha terenu nota katak Kbi’it laek Maria Soares, kiak tebes ba ai-han hanesan foos iha Balde laran mamuk hela, no iha toba fatin laiha Biti ka sumasu iha hadak leten, kalen uma nian komesa feruzen no dodok da-daun, hadak ne’ebé didin haleu baraka ne’e fohuk ba da-daun, ho difikuldade ne’e Maria deside tenke dada lona iha toos laran atu bele tesi Ai hodi habai maran nune’e bele leba tuun ba sidade laran hodi hetan netik  osan uituan atu bele hatutan sira nia moris loro-loron nian.

Jornalista    : Mateus F. de Deus

Editor            : Agapito de Deus

144 Views
Artikel ini telah dibaca 224 kali

Baca Lainnya

Uma Lahuk Hatauk Faluk ho Oan Kiak Tinan 10 Moris Ho Mata-wen

6 June 2024 - 14:00

Funu 99 Hatauk Marciana Sai Defisiénsia too Ohin Loron  

4 June 2024 - 12:13

Prezidente Repúblika Apoiu Ona Aihan Natoon Ba Inan Feton Leonarda Ximenes Iha Beduku

1 May 2024 - 15:04

Nilva Ho Nia Kolega Nain-Hitu Oferese Nesesidade Bázika Ba Inan Feton Leonarda 

1 May 2024 - 14:07

Leonarda Moris Padese Ho Isin Rua Todan Aihan Uma Laran mamuk Tanis Ho Orasaun

27 April 2024 - 09:57

Defisiénsia Filomena Tinan 20 Ona Iha De’it Toba Fatin “Presiza Tebes Kadeira Roda”

22 April 2024 - 14:24

Trending di SOSIÁL