Lafaek News—Ministériu Saúde deteta tan kazu Posztivu Covid-19 foun 161, Dili 63, Ermera 69, Aileu 1, Baukau 6, Bobonaru 2, Kovalima 13, Manufahi 1, Raeoa 5, no Vikeke 1, total kazu ativu sa’e ba 1,265 no kazu rekuperadu 56.
Koordenadór forsas tarefas ba prevensaun no mitigasaun surtu covid-19, Rui Maria de Araújo, relata, kazu detetatu foun iha loron 6 Agostu 2021: 161 (iha Dili 63, Ermera 69 no munisipiu seluk hamutuk 29), husi total kazu detetadu foun nee: mane 94, feto 67, husi kazu detetadu foun hirak ne’e ho idade 12:6, ho idade entre 12-59 nain 147 (91,3%), ho idade 60:8, no husi total kazu detetadu foun hirak nee, 25 kazus ka 15,5% maka sintomátiku (hatudu sintomas).
“Kazu rekuperadu ne’ebé ralata ohin, hamutuk: 56, kazu ativu ohin, hamutuk:1.265, no total kazu konfirmadu kumulativu iha 6 Agostu 2021 (sura husi 21 Marsu 2020): 11.386,” dehan koordenadór Surtu Covid-19 Rui Maria de Araújo, liu husi komunikadu imprensa, Sesta (6/08/2021).
Eis Primeiru Ministru ne’e informa, husi insidénsia Covid-19 iha Timor-Leste, durante loron 7 ikus maka 7,0/100 mil abitantes, enkuantu ba de’it Munisípiu Ermera 33,2/100 mil abitantes, no ohin, insidénsia iha Dili 8,0/100 mil abitantes, tuir kedas munisípiu Kovalima ho insidénsia 7,0/100 mil abitantes, ho ida ne’e hatudu katak Insidénsia munisípiu Ermera nian nafatin aas-liu iha Timor Leste, munisípiu tolu Ermera, Dili, Kovalima – maka iha risku boot liu atu populasaun hetan da’et, no hadaet tutan virus SARS-CoV-2, iha komunidade nia leet.
Nia dehan, iha loron 6 Agostu 2021, izolamentu Vera-Kruz halo tratamentu ba kazu detetadu nain 18, iha área obstetrisia nain 8, iha medisina interna nain 8, iha sirurjia nain 2, sira nain 8 iha obstetrisia, kategoria leve (mild) hotu, husi sira nain 8 iha medisina interna, 1 kategoria grave (uza ventilador), 3 kategoria moderadu, 4 kategoria leve (mild), no sira nain 2 iha sirurjia, kategoria leve (mild) hotu.
Jornalista :Sandi Belo
Asisten Editór : Pedro de Almeida
