Lafaek News–Kareta Estadu ho númeru matrikula, 06720 G kór mean (hilux) iha nia didin lolon hakerek kareta estadu tula aqua hatun iha Sentru Konvensaun Baucau kota lama hodi fasilita ba apoiantes kandidatu númeru 2 Farncisco Guterres Lú Olo antes halo preparasaun ba diálogu
Komisaun organizadora ba diálogu Kanditau prezidente repúblika Francisco Guterres Lú Olo hateten kareta fasilita husi admistrasaun Baukau.
Kareta ami husu katak sira bele ajuda iha logistika nian, dala ruma sira ajuda ne’ebé media sira ho observador sira iha liberdade atu bele investiga” dehan komisaun Organizadora ba Kandidatu Numeru 2 Francisco guteres Lú Olo, Helena Martins Belo ba jornalista sira iha Baukau Kota Lama, kinta (07/04/2022).
Iha parte seluk Sekretariaadu Administrasaun Munisípio Baucau, Simão dos Santos Marques, deklara kareta estadu ne’ebé fasilita tula be aqua ba sentru konvensaun Baukau ne’e aluga husi partidu FRETILIN hodi utiliza ba kanddidatu Prezidente Repúblika eis Prezidente Parlamentu primeira Lejislativu atual Prezidente Repúblika Francisco Guterres Lú Olo hodi hala’o diálogu.
Kareta ne’ebé fasilita tula be tanba fatin sentru konvesaun Buacau (CCB) aluga husi partidu FRETILIN hodi usa ba Kandidatu prezidente Francico Guterres Lú Olo nia dialogu iha loron kinta 07/04/2022, ita fasilita tanba sira presiza ajuda no ami iha ne’e fatin ne’e tama patrimonia estadu entaun ami fo aluga ba públiku inklui mos partidu polítiku sira ho folin $.350,’’ dehan Sekretaridu Autoridade Munisípiu Baucau Simão do Santos Marques Pinero ba Jornalista sira iha nia servisu fatin iha Munisípiu Baucau Kinta ne’e.
Jornalista : Acacio Pinto
Editor : Agapito de Deus
