Lafaek News–Parlamentu Nasionál (PN), tersa (12/12/2023) realiza debate Orsamentu Jerál Estadu (OJE) ba tinan 2024, laiha prezensa husi Sekretáriu Jerál Partidu Demokrátiku António da Conceicao “Kalohan”, atuál Membru Parlamentu Nasionál nu’udar prezidente bankada Partidu Democrática (PD) tanbá okupadu ho atividade seluk
Membru Parlamentu Nasionál Deputada Maria Teresa da Silva Gusmão hanesan membru deputada PD hateten katak tuir lista membru Parlamentu Nasionál husi Bankada PD Nian ne’ebé maka atribui ba iha Tribunal hamutuk nain sia(9). No agora dadaun deputado António okupadu ho atividade seluk, ne’e duni Rozena Martins maka substitui temporariamente deputadu António da Conceicao “Kalohan” nia fatin hanesan deputada.
“Oras ne’e daudaun Senhora Rozena Martins maka substitui temporariamente deputado António da Conceição Kalohan nia fatin ho estatus deputada. Oras ne’e daudaun mós seidauk iha Presidente bankada PD iha Parlamentu Nasionál, nune’e maka depois de debate Orsamentu Jerál Estadu ida ne’e ami sei koordena ho Presidente ezekutivu partidu PD nian hodi nomeia ami Deputadu nain neen (6) atu bele lidera Bankada PD iha Parlamentu Nasionál,” Dehan Maria.
Nia hatutan, Estatus agora deputada Rozena substitui ne’e temporáriamente de’it signifika seida’uk iha serteza katak deputadu António da Conceição Kalohan la ezerse ona kna’ar nu’udar Deputadu.
“Deputada Rozena substitui ne’e temporáriamente de’it signifika seidauk iha serteza katak Deputado António da Conceição Kalohan la ezerse ona kna’ar nu’udar deputadu. maibé substituisaun permanente ona maka Deputadu António da Conceição Kalohan sei labele assumi tan kna’ar membru Parlamentu Nasionál,” katak nia.
Nia Salienta liután katak lei PN fó dalan ba membru PN sira atu bele husu lisensa relasiona ho atividade okupadu ruma ne’ebé maka presizamente atu hala’o duni iha tempu hanesan.
“Laiha karta rezignasaun, maibé lei Parlamentu Nasionál fó dalan ba deputadu ida atu sai ba rai li’ur no halo karta substituisaun atu bele substitui nia fatin, liu husi lista membru Parlamentu Nasionál ne’ebé maka hatama ona ba iha Tribunál antes ne’e,” tenik nia.
Enkuantu iha loron hanesan Sekretáriu Jerál Partidu Demokrátiku (PD) no Membru Parlamentu Nasionál hanesan Presidente Bankada PD iha PN, simu posse husi Prezidente da Repúblika nudár Embaixadór Timor-Leste ba Indonésia.
Jornalista : André da Costa
Editór : Paulo Collo
