Lafaek News–Juventude Partidu Frente Revolusionáriu Timor Leste Independente (FRETILIN), Konsidera atividade internasionál Expo Dubai laiha benefísiu ba povu no gasta osan de’it, tanba populasaun Timor-Leste Maioria sei moris iha situasaun ki’ak no mukit nia laran.
“Ami Juventude FRETELIN ne’e konsidera partisipasaun Expo dubai ne’e hanesan gasta de’it povu nia osan, maibé povo barak mak sei ki’ak, má nutrisaun, bee moos laiha, no seluk tan,” hateten Portavoz Juventude FRETILIN, Jeferino da Silva, liuhosi komunikadu imprensa iha Sede Comite Central FRETILIN (CCF) Komoro, Segunda (14/06/2021).
Portavoz Juventude FRETILIN ne’e sujere, Husu ba MTKI atu explika, kona-ba benfisiu saida mak Timor-Leste hakarak hetan husi Expo Dubai ne’e, no nia impaktu Ekonómia no Sosial iha tempu badak no ba tempu naruk ni’an ho nia progresu no rezultadu Jose Lucas da Silva hanesan Ministru Turizmu Komérsiu Indústria nu’udar mós Prezidente Autoridade Nasionál ba Expo Dubai.
Enkuantu antes ne’e iha loron 10 juñu 2021, Primeiru Ministru Taur Matan Ruak, hateten, la iha razaun kona-ba kansela atividade internasionál expo dubai tanba tanba preparasaun tinan naruk ona ne’ebé la iha razaun atu suspende.
Jornalista : Rita Moniz
Asisten Editór : Egidio Nono
