Lafaeknews-Instituto Nasionál de Dezenvolvimentu Mão-de Obra (INDMO) Loke kompetisaun konkursu ba Sentru Formasaun hamutuk lima(5) no foka liu ba iha área konstrusaun silvíl, husi rai laran no rai li’ur
Prezidente Komisaun Organizadora Konkursu Nasional Aptidaun Instituto Nasional de Dezenvolvimentu Mão-de Obra (INDMO) Amandio Livio Borges Belo, hateten objetivu prinsipal husi konkursu ne’e atu halo kompetisaun dezenvolve politíka formasaun Profissional ba konkursu Nasional Aptidaun 2021 ba dala 7 ho vertual.
“Ohin ita hala’o konkursu Nasional Aptidaun 2021 ba dala 7 ne’e, iha tinan ida-ne’e ita foka liu ba iha área konstrusaun sivil ne’ebé mak inkluí iha kanalizasaun, soldaria, eletresidade no karpitaria,” Dehan Prezidente Komisaun Organizadora Konkursu Nasional Adtidaun INDMO ba Jornalista Sira iha fatin formasaun Polisía Akademika Comoro Segunda (22/11/2021).
Nia haktuir, Senttru formasaun sira ne’ebé mak partisipa Konkursu Nasional ne’e kompostu husi sentru formasaun Tibar, Bekora, Dom Bosco Komoro, no Sentru Formasaun professional Salele, Kovalima.
konkursus ida -ne’e ita hala’o durante loron lima halo kompetisaun ida hasoru padraun serbisu husi industria ninia iha Timor-Leste no rai li’ur, tanba Sira presija kompleta tarefa hanesan projeitu ki’ik oan ida ne’ebé sira tenki kompleta durante lororn lima hahu ohin 22 too 26,”Nia Esplika.
Enkuantu ihakompetisaun Konkursu nasional ba sentru formasaun lima ne’e hetan ona rezistu husi INDMO hodi intrega sertifikadu faze akreditadu ba sentru formasaun ne’ebé mak halo ona ba pakote kualifikasaun nasional.
“Sertifikasi seluk ne’ebé maka Ita fahe ba partesipante sira husi formasaun ninian hanesan ohin akreditasaun komisaun husi a’area pasifiku atu haree kona-ba sertifikasaun no akreditasaun ba sentru ne’ebé maka hakarak liu ba sai hanesan padraun internasional husi apak ninia” Nia Informa.
Iha Fatin hanesan Ministru Koodernador Asuntu Ekonomiku (MKAE), Joaquim Amaral, hateten, Konkursu nasional hanesan kompetisaun no oportunidade ida ba sentru formasaun sira atu aproveita didi’ak
“Ha’u hanoin ohin oportunidade ida ne’ebé la’os de’it atu loke kompetisaun nasional aptidaun maibé iha mos oportunidade atu hanesan INDMO orgaun reguladoór ba iha sentru formasaun sira fo mos sertifikadu ba iha sentru formasaun sira atau nune’e formandu sira ida-idak hala’o sira nia servisu ho akreditasaun,”Governante ne’e esplika.
Jornalista : Joni Mau Risa.
Asisten Editór: Egidio Nono
