Lafaek News–Fan ikan buat ida ne’ebé diak bele ajuda ita iha nesesidade moris nian, maibé labele moe no labele barukten, tanba osan sei la mai hanesan mehi, maibé presiza hisik kosar hafoin bele hetan hanesan realidade.
Liga ho estudante Dili Institute of Technology (DIT), fakuldade enjeneria departamentu Komputer Sience, Moises Armando Mendes hala’o atividade negosiu fan ikan hanesan mekanizmu buka osan rahun ba selu mikrolete ba eskola nian atu nune’e labele satia inan-aman.
uluk nanain, Moises fo hanoin ba konsimudor sira atu labele baruk konsumu ikan loro-loron, nutrisaun saida mak hetan iha ikan, han ikan iha vantajen no Protein ho kualidade aas, vitamina ne’ebé iha solusaun bee nian ne’ebé hetan iha ikan mak tipu 4 husi família vitamina B, hanesan B6, B12, Biotina no Niacin. Minerais ne’ebé iha ikan inklui magnesio, fosforu, iodinu, fluorina, besi, riti, sinku no seleniu.
Ha’u ajuda maun sira fan ikan hodi fo osan bemo nian tanba inan aman iha foho moris agrikultor,” katak Moises ba lafaek News iha Pantai kelapa tasi ibun Dili sesta semana ne’e.
Moises Armando Mendes Pereira osan selu bemo nian labele husu hotu ba inan-aman, maibé ajuda sira hodi faan ikan hetan osan ba eskola iha Universidade Dili Institutu tékniku, maibé xave atu buka osan mak labele moe ho karakter barukten, tanba sei impede buat hotu ne’ebé hatuur ona iha ema ida-idak nia konseitu moris.
Ha’u faan ikan ne’e atu selu ba eskola no osan bemo nian tanba inan aman mos agricultor ne’e duni laiha osan atu selu eskola tan ne’e mak hau foti desizaun fan ikan selu eskola no selu bemo nian ha’u eskola iha Dili Institutu of tecnologia DIT fakuldade enjenéria departamentu computer sience, ha’u foin semester II,”Armando hateten.
Estudante Moises Armando Mendes Pereira tinan 20 husi munisipiu Baucau postu administrativu Laga suku Sagadate aldeia Belivali iha Dili hela Bebonuk no ikan ne’ebé nia fan sosa tutan fali husi peskador Tibar.
Ha’u faan ikan loron ida ema mai hola $ 5.00/$ 6.00 dolar depende ba ema mai hola dala ruma liu too $ 10.00 dolar sorti la iha hetan lukro $ 1.00 dolar,ikan sira nee ami hola iha tibar ema faan iha balde boot n faan ba $ 70/80 dolar ami faan balide boot ida ami hetan lukro $5.00/6.00 dolar hodi ida nee hau selu w nia eskola tanba semestre ida hau selu $ 200 dolar,”hakotu Nia
Jornalista : Arnaldo Nunes
Editor : Agapito de Deus
