Lafaek News—Instituto Apoiu Dezenvolvimentu Imprezarial (IADE) lansa ona planu negósiu Inovativu ba tinan 2025 nian ho tema “Inovasaun mak dalan ba susesu”
Diretor Ezekutivu IADE Filómeno Marcelino Belo, konfesa progarama foku ba joven mane-feto ne’ebé iha boa-vontade atu dezenvolve sira nia-an sai emprezáriu boot iha futuru.
“Programa ne’e foku ba joven Timor oan ne’ebé iha hanoin hakarak atu sai emprezáriu no iha boa-vontade dezenvolve sira an sai emprezáriu husi hanoin inovativu iha setor indústria, agrikultura peskas, turizmu no seluk tan hodi dezenvolve sira sai emprezáriu boot iha futuru. Filómeno Marcelino Belo ba jornalista sira iha salaun CCD Dili, tersa 25/02/2025.
Filómeno sublina, IADE nafatin fasilita formasaun kapasitasaun no loke semináriu nasional liga ho planu negósiu inovasaun.
“Benefisiu ne’ebé sira hetan husi IADE mak koñesimentu klean liga ba vida empresarial liu-husi semináriu nasional ne’ebé fasilita ba sira inklui kapasitasaun formasaun emrezariál atu bele identifika ideia negósiu i formsaun kapasitasaun empresarial liga ba sira nia planu halo negósiu inovasaun, depois mana nain IADE sei halo buat tolu ba sira apoiu kapital ba sira nia negósiu inovasaun i akompana fasilita no apoiu asisten tékniku ba sira duarnte tinan 2 atu sira bele la’o di’ak liután atu asessu ba kréditu iha futuru, nia argumenta,
Iha Fatin hanesan Ministru Koordenador Asuntu Ekonómiku, Francisco Kalbuady Lay, hatutanb governu nafatin promove emprezáriul nasional atu nafatin hasa’e diversifiksaun ekonomia kresimentu sustentavel iha Timor Leste.
“Liu husi komprimisiu governu nia atu promove inovasaun empresarial, nudar motor Ida xave diversifiksaun ekonomika nomos kresimentu sustentavel Timor Leste, papel Ida ne’ebé apoiu ba emprezáriu Nasional liu-liu promosaun profisionalismo sustentabilidade no koperasaun Liu husi sentru dezenvolvimentu empresarial iha munisípiu hotu, MKAE promete moos hare kréditu ba sira atu amumenta negósiu inovasaun la’o di’ak liután iha futuru.
Jornalista : Moises Guterres
Editor : Agapito de Deus
