Lafaek News—Centru Nacional Chega (CNC!IP. asina Nota Entendimentu (NE) ho Assosisaun Vitima Konflitus Politikus (AVKP) 1974-1999, ho Assosiasaun Eis Prozoneirus Polítikus ho objetivu atu hametin kapasidade institusional
Diretor Ezekutivo CNC.I.P Hugo Maria Fernandes esplika asina akordu ne’e atu hametin lina servisu entre CNC.I.P, ho Assosiasaun Vitima Konflitus Politikus 1974-1999 hodi kontinua hametin kapasidade instituisaun (3) tolu ne’e liu husi servisu Koletivu.
“Nota de intendimentu Ida ne’e foku liu ba asuntu rua, asuntu dahuluk kona-ba fortelesimentu institusional hahu iha CNC harii iha 2017 to agora CNC kontinua halo parseria ho ASSEPPOL ho Asosiaiasaun Vítima Konflitus Politikus oinsá tulun malu hametin kapasidade instutisaun nian, ne’e fahe ba instituisaun tolu Centru CHEGA rasik oinsa bele Liu husi parseria ne’e bele aprende lala’ok Servisu iha tereinu, maibé iha mos oportunidade hanesan oinsá implementa programa sira entre intutisaun tolu iha relasaun ba malu kapasidade institusional, iha ámbitu ne’ebe husi apoiu finansiamentu ne’ebe CNC sei atribui ba ASSEPPOL no mo Asosiasaun Vitima kada tinan,” Diretór CNC Hugo Maria Fernandes ba jotnalista sira iha ámbitu asina akordu hamutuk ho Centru Nacional Cega Balide Dili iha 21/02/2025.
Hugo esklarese, nota de atendimentu ne’e halo ba tinan tolu, maibé ho nota de atendimentu ne’e kada tinan CNC sei atribui apoiu finanseiru, la’os hotu kedas, maibé balun de’it, tanba organizaun ne’e mos iha parseiru seluk sei fo apoiu ba Assosiasaun Vitima Konflitus Politikus 1974-1999 no Assosiasaun Eis Prizoneirus Politikus atu bele tulun vitima vulneravel sira.
Fatin hanesan Diretor ASSEPPOL, Martino R. Pereira, hatoo agradesimentu tebes liu husi akordu ne’e bele hamsou tebes relasaun servisu entre instituisaun hodi hametin liutan kapasidade institusional.
“Husi ASSEPPOL agradese wa’in tebes ho servisu hamutuk no ikus ita ajuda centru Chega oinsá bele halo relasaun intermus servisu hamutuk, ami hakarak agradese de’it nivel ne’ebe fo maiaAmi no apoiu operasional ida ne’e ami bele halo buat ne’ebe di’ak iha akordu ne’e no buat seluk seluktan presija ami fo apoiu,” Martino sublina.
Sorin seluk Kordenador Asosisaun Vitima Konfiltus Polítikuss (AVKP) 1974-1999, Domingos Pinto de Araújo mos hatoo nia agradesimentu tebes tanba bele hetan apoiu husi Centru Nasional Chega, legalidade tebes bele enkoraza parte hotu atu servisu ho responsablidade liu-liu tau matan ba vítima vulnerável sira.
“Nota de intendimentu Ita asina hamutuk hanesan legalidade Ida ne’ebe ami banati tuir saida mak ami tuur ona iha ne’e servisu haree ba responsabilidade, ami aseita hamutuk iha pontu lubuk ida iha ne’e ho nota de intendimentu ida ne’e hetan apoiu husi Centro Chega hodi tau matan ba vítima vulnerável sira nune’e bele koresponde hamutuk ho CNC,” nia hakotu lia.
Jornalista: Fátima S. Das Dores/Maria Jose
Editor : Agapito de Deus
