NOTÍSIA JERÁL · 27 Apr 2021 09:39 ·

Hulan De’it Inan Gravida Ba Ospitál, KEUPAR Ejije Governu konstroi Estrada Liga Remexio Ba Aileu


Hulan De’it Inan Gravida Ba Ospitál, KEUPAR Ejije Governu  konstroi  Estrada Liga Remexio Ba Aileu Perbesar

Lafaek News-Akontesimentu siclone seroja, ne’ebé hamosu udan boot iha loron 4-04-2021 rezulta Estrada liga postu administrativu Remexio, ba Munisípiu Aileu kotu hodi fó impaktu ba inan isin rua sira asesu ba sentru saúde Munisípiu, ho nune’e Klibur Estudante Universitariu Postu Administrativu Remexio, (KEUPAR), ejije governu konstroi Estrada refere hodi komunidade no inan isin rua sira bele asesu ba ospitál.

Tuir porta vos, Klibur Estudante Universitáriu Postu administrativu Remexio,(KEUPAR) Pedro da Conceição Fernandes, hateten, durante Estrada refere kotu komunidade sira leva de’it inan isin rua ne’ebé atu partu iha ospitál tanba problema Estrada liga husi Remexio ba Aileu kotu,

” Inan sira ne’ebé mak isin rua la bele asesu ba iha sentru saúde Munisípiu Aileu tanba dalan iha postu administrativu Remexio kotu totál, iha semana kotuk família no ekipa saúde hulan de’it moras na’in rua la’o kuaze kilometru 5 to iha estrada boot,” esplika porta vos Klibur Estudante Universitariu Postu Administrativu Remexio, (KEUPAR), Pedro da Conceição Fernandes, ba jornalista sira iha Kampus UNTL Kaikoli, tersa-feira (27/04/2021)

Porta vos ne’e mós dehan, sira husu ba parte relevante atu tau atensaun lalais ba iha problema dezastre naturais ne’e, tanba besik fulan ida ona sira la hetan apoiu emerjénsia ruma husi parte governu.

Ho nune’e, Administradór postu administrativu Remexio, Jacinto Mendonça, hateten, nia halo ona proposta ba iha parte relevante atu hare ba asuntu ne’e, maibé seidauk iha resposta

” inan sira ne’ebé mak partus no moras ne’e ami orienta sira nia familia hulan de’it hodi ba iha estrada boot, nune’e kareta husi Munisípiu Aileu vila mai tula hodi ba iha ospitál Nasionál Guido Valadares (HNGV), moras sira iha ne’e família sira hulan dalan 5 liu ona, ” dehan administradór Remexio liuhusi via telephone, foin lalais ne’e.

Nia hatutan, hanesan governu lokál ejije ona ba iha parte relevante, no husu mós eskapator balu ba lalais atu hadi’a dalan ne’ebé mak kotu totál iha Postu Administrativu Remexio.

Enkuantu dalan ne’ebé mak kotu iha postu administrativu Remexio ne’e liga ba iha suku haat hanesan; Suku Asu Mau Luli, Suku Liu Rai, Suku Tula Takeu, no Suku Fatu Rasa.

Jornalista : Sandi Belo
Asisten Editór : Egidio Nono

1,134 Views
Artikel ini telah dibaca 14 kali

badge-check

Editor

Baca Lainnya

Guarda Floresta Foun Hamutuk 807 Sei Asina Kontratu Asegura Ailaran

1 April 2024 - 15:41

Uma Kain 72 Hetan Estragus Hosi Dezastre Naturais iha Semana Ne’e

25 March 2024 - 17:21

CVTL Ensera Treinamentu Primeira Sokorru Durante Loron 3 Ba Jornalista TL

24 March 2024 - 13:28

Xefe Suku Komoro Ho Komunidade Limpeza Merkadu

3 March 2024 - 09:17

CNC Asina Nota Entendimentu ho Asosiasaun Profissionais Psikolojia Timor-Leste

29 February 2024 - 08:58

LH Rezeita Adezaun ba WTO, Presiza Proteje no Promove Ekonomia Rai Laran

27 February 2024 - 17:11

Trending di NOTÍSIA JERÁL