Lafaek News–Kandidatura nasaun Timor Leste ba Membru Konsellu Direitus Humanus iha períodu 2024-2026, bele manán esperiénsia ruma hodi haforsa luta Timor Leste nian ba defende no promove direitus umanus.
Asuntu ne’e hatoo husi Prezidente Republika José Ramos Horta iha diskursu hafoin halo lansamentu ba kandidatura Timor-Leste nian ba iha membru Konsellu Direitus Umanus 2024-2026, iha Jardim MNEK Praia dos Coqueiros, Tersa ( 26/07/2022).
Ho kandidatura Timor Leste nian ba Membru Konsellu Direitus Humanus bele manán tan esperensia ruma hodi haforsa luta Timor Leste nian ba defende no promove Direitus Humanus,maske hanesan nasaun ki’ik Timor Leste hatudu vontade atu servisu maka’as ba Direitus Humanus hodi promove dignidade sidadaun sira nian”,
Xefe Estadu ne’e deklara, eventu ida ne’e nu’udar momentu kmanek ba Timor Leste no eventu hirak nune’e partisipa bei-beik ona iha kampaña sira kona-ba eleisaun sira ba Konsellu Direitus Humanus, hein katak Timor Leste sei manán iha eleisaun atu sai Membru Konsellu Direitus Humanus UN nian tuir prióridade sira ne’ebé hatuur hodi defende Direitus Humanus no dignidade pessoa umanu nian.
Ho prezensa Embaixadór nasaun lubuk iha Timor no reprezentate UN Se bele testamuña real kona-ba Timor Leste nia luta ba defende Direitus Humanus tuir prióridade sira ne’ebé sai alvu ba Direitus Humanus universál”.
Iha diskursu ne’e Xefe Estadu ne’e hatoo agradesimentu boot ba embaixadór sira iha Timor-Leste apoiu atu Timor Leste bele partisipa iha eleisaun hodi sai Membru Konsellu Direitus Humanus universál.
Iha Fatin hanesan Ministra Negósiu Estranjeiru no Kooperasaun (MNEK), Adaljiza Magno, reforsa lansamentu ofisiál kandidatura atu lori TL sai membru Konsellu Diretu Umanu Nasaun Unidas nian ba períodu 2024-2026, komesa halo kampaña dezde tinan kotuk kedan, maibé foin halo lansamentu agora, tanba prosesu tenke lobi lai, tenke assegura votu husi nasaun barbarak, eleisaun sei halo iha tinan oin fulan Outubru.
Ohin Ita halo lansamentu ofisial ba ita-nia kandidatura atu sai membru Konsellu Direitu Umanu Nasaun Unidas nian ba períodu 2024-2026. Ita komesa halo kampana ona dezde tinan kotuk kedan, maibe Ita foin halo lansamentu agora, tanba prosesu Ita tenke lobi lai no ita tenke assegura ita-nia votu husi nasaun barbarak, ne’e duni Mak Ita foin halo lansamentu ohin, tanba eleisaun sei halo iha tinan oin fulan Outubru”, dehan MNEK Adaljiza.
Adaljiza dehan, pratikamente Timor Leste, ladún sai membru organizasaun internasional sira liu-liu iha UN, inklui organizasaun multilateral sira, Ida ne ‘e ajuda Timor bele vizivel liu no mós hatudu Timor Leste ninia kapasidade atu kontribui ba rezolve asuntu internasional.
Ita komesa uluk Komisaun Direitu Umanu, depois orasida kuandu Ita iha kapasidade liutan Ita bele alarga ba Komisaun Sira seluk,”katak governante ne’e.
Ministra negosiu estranjeirus ne’e argumenta, normalmente embaixador Timor Leste, nian iha Zenebra mak sei reprezenta Timor Leste, tanba Komisaun Diretu Umanu ne’e iha Zenebra, Timor Leste sai member Sheep ne’e tinan rua de’it, se Timor Leste hakarak re-kandidata, bele re-kandidata, la re-kandidata entaun hotu ona.
Lansamentu ofisiál Kandidatu Timor Leste nian ba Konsellu Direitu Umanu Nasaun Unidas períodu 2024-2026 partisipa husi Ministra Negosiu Estranjeiru no Kooperasaun Adaljiza Magno, Prezidente Republika José Ramos Horta, Ministru Prezidénsia Konsellu Ministru, Fidelis Leite Magalhães no Prokuradór Jerál Repúblika (PJR) Alfonso Lopes ho representante embaixadores sira iha Timor Leste.
Jornalista : Rita Moniz
Editór : Agapito de Deus
