Lafaek News–Eskola Bázika Filial (EBF), Dom Afonso Leber, postu administrativu Bobonaro, munisipiu Bobonaro nia kondisaun grave kauza prosesu aprendizajen kada loron labarik sira sente la seguru.
Edukasaun mak hanesan prosesu fasilitadór ida ba aprendizajen, ka akizisaun ba konesimentu, abilidade, valór, fiar inklui mos métodu husi edukasaun ne’ebé atu hato’o istória, halo diskusaun, hanorin, fo formasaun no halo peskiza ne’ebé orientada.
Edukasaun mos hanesan bloku konstrusaun ida ne’ebé importante liu ba progresu ekonómia no dezenvolvimentu ba nasaun, edukasaun bele hamosu dezenvolvimentu social tuir sinál tempu ne’ebé iha, hanesan dezenvolvimentu social depende ba sistema edukasaun ne’ebé forte, tanba edukasaun hanorin oinsá resolve problema ho dalan hanoin edukativu no konsiénsia hodi hamosu mudansa no edukasaun mak sai xave ba dalan dezenvolvimentu futuru nasaun nian, no sai hanesan naroman ba nasaun nia futuru.
Haree husi situasaun atuál, polítika governu husi anterior too ohin loron sempre toka liu asuntu edukasaun too halo mudansa iha infraestrutura báziku, maibé seidauk másimu, presiza fortaleza no halo investimentu ida ne’ebé radikal iha setor edukasau atu garante kualidade rekursu ne’ebé di’ak hodi konntribui iha prosesu dezenvolvimentu nasional.
Iha kobertura jornalista lafaek news konsege deteta edefisiu eskola ida iha postu Bobonaro Leber, eskola Bázika Filial Leber ne’ebé ho kondisaun infraestrutura grave husi kakuluk, kalen feruzen kuak luan, bainhira loron nakfera husi dader tiru borus kedan tama sala aprendizajen no difikulta tebes lala’o aprendizajen.
Koordenadór EBF Leber, Juvinal Laco hatete eskola refere harii iha tempu okupasaun Indonézia too ohin loron, konsege produz ona rekursu umanu lubun partisipa iha dezenvolvimentu nasional, nune’e hosi nia parte dirije ona karta ba ministériu kompoténsia ho rezultadu pozitivu sei rekonstrui eskola ne’e iha tinan oin.
Ha’u halo ona karta ba parte kompetente ne’ebé nia rejultadu ne’e positivu ona ami hein deit director dehan fulan Agustu ou setembru ne’e la’e projetu atu tama duni ne’ebé nia rejultadu pozitivu, maibé ami espera katak, maske rezulatadu ne’e pozitivu ona, maibé presija halo reforsa liután bainhira parte kompetente la realiza sira nia promesa refere, entaun nu’dar koordenador nia responsavel buka fali meius hodi dirije karta fila-fali nune’e tempu badak eskola ida ne’e nia kondisaun normal hanesan eskola sira seluk,’’Juvinal ba jornalista lafaek news iha kna’ar fatin EBF Leber munisípiu Bobonaro, (25/07/22).
Iha entrevista ne’e, koordenador EBF ne’e rekomenda parte kompotente atu ajenda eskola ne’e urjentemente iha OJE 2023 nune’e bele hetan ona dalan konstrusaun atu povu aileba nia oan bele asesu edukasaun ho seguru.
Ha’u husu ba parte kompetente atu toma atensaun ho lais, tanba eskola ida ne’e grave los ona, se la konstrui ho lais eskola ne’e sai grave at liután ona, tanba agora klima iha ne’e udan makas ho nune’e tempu udan normalmente professores la hanorin atu evita an husi risku,’’ nia hatutan.
Iha tempu udan professores la halo sira nia kna’ar nudar manorin nain, tenke abondona estudante sira, tanba inpaktu husi udan no anin amieasa fo risku tebes ba vida estudante no professores sira.
EBF Leber iha manorin permanente nain hamutuk 6, mane nain rua ni feto nain haat kompostu husi professor permanente nain rua no kontratadu nain neen, total estudante hamutuk 80, maibé ho kondisaun eskola ne’ebé grave estudante balun retira falta nain 70 mak kontinua ativu iha EBF Leber.
Iha sorlin seluk, profesora Rita Maria Barreto rekoñese eskola EBF Leber nia kondisaun grave sempre fo risku ba estudantes ho professores sira iha tempu udan no anin boot, ho razaun hirak ne’e professores sira labele hanorin estudante sira, tanba tauk ho kondisaun eskola ne’e la seguru.
Tanba impaktu husi udan no anin ,to tempu udan ami labele halo aprendisagen iha tempu udan, bainhira udan, udan ben turuk tama liu ba laran hodi estraga habokon meza no kadera,taun estudante la sente seguru tamba kadera bokon meza no seluk tan ho nune ami labele hanorin bainhira iha tempu udan nia hakotu,’’katak professora Rita.
Iha parte seluk estudante Evalina B. Martins, sente triste bainhira haree kondisaun eskola ne’ebé grave hodi fo amesa ba sira bainhira sira halo prosesu aprendisazen, husu governu labele matan dukur, tau matan ba eskola ne’e atu fasilita prosesu aprendizajen bele la’o ho seguru.
Ha’u nudar estudante ha’u triste haree ami nia kondisaun eskola ,ami hakarak aprende maibe fatin ne’e hakarak seguru mai ami nune ami bele aprende siénsia ho diak, se eskola kondisaun hanesan ne’e ami tauk tamba instrumentu barak mak at no dodok ona nune’e bele ameasa ami nia destinu,’’ estudante ne’e fo hanoin.
Jornalista : Julião Pacheco
Editor : Agapitode Deus
