Lafaek News–Prezidente Konsellu Imprensa (KI), Virgilio Guterres husu Jornalista sira bainhira halo kobertura labele ansi atu publika bainhira seidauk halo konfirmasaun no seidauk hetan dadus.
Prezidente Konsellu Imprensa Virgilio Guterres “Lamukan” hatoo asuntu liu husi Semináriu ho tema “Jornalizmu Iha Ameasa Dijitalizasaun” iha ne’ebe komemora loron liberdade imprensa iha Salaun Delta Nova Komoro Dili, tersa 03/05/2022.
Ida ne’e maka sai hanesan ameasa boot ba jornalismu iha tempu agora, velosidade hanesan ilusaun prátika ida kuandu ita lori kareta ka motor mak halai maka’as ita la hetan buat ida, maibé la’o nei-neik ita haree no aprende buat barak,” Prezidente KI Virgilio esplika.
Prezidente KI Virgilio informa, ema sai eskravu (atan) ba velosidade hakarak to’o uluk molok ema seluk to’o, nune’e mos jornalizmu agora ho plataforma online dijital sira hakarak atu to’o lais mosu uluk iha públiku nia le’et, maibé ninia ameasa ne’e iha.
Bainhira lais liu too iha fatin, sei la lori buat ida tan la iha faktus, la halo verifikasaun no la konfirma, informasaun sai fali gosip ka rumoris mak sai, entaun ba jornalista agora opsaun saida, nei-neik too publiku lori diferensia liu husi faktus no dadus,” Virgilio Deklara
ikus liu iha ámbitu komemorasaun loron liberdade imprensa ne’e Prezidente Konsellu Imprensa ne’e hato’o parabens ba Jornalista sira iha mundu ne’ebé ohin selebra loron importante ne’e.
Jornalista : Orlando Magno
Editór : Agapito de Deus
