Lafaek News–Imposada Prezidente Autoridade Munisipiu Dili, Guilhermina Filomena Saldanha Ribeiro afirma, Dili la hanesan ho munisipiu sira seluk no Dili mos nu’udar kapital nasaun Timor-Leste, presiza kopera sevisu hamutuk halo mudansa sai sidade bonita.

Ita hotu tenke kopera no kordena ho parte hotu-hotu tanba ita hakarak halo Dili sai Bonitu no kapas, ida ne’e laos Prezidente autoridade Munisipal nia responsabilidade mesak maibe ita hotu nia responsabilidade,” Atual PAM Dili Guilhermina deklara.

Administratora ne’e katak, iha nia parte seidauk bele fo sai planu prioridade ne’ebe atu realiza durante nia mandatu, tanba nia rasik seidauk haree planu prioridade ne’ebe aprezenta ona ba iha Ministériu Administrasaun Estatál.

Ha’u seidauk haree planu munisipiu nian maske ohin ha’u simu ona pose maibe ha’u kompromente katak, planu saida mak adjuntu hatoo ona ba ministru Administrasaun Estatal ne’ebe mak sai husi prioridade liu husi prioridade bainhira ha’u tur ona iha fatin,” Guilermina relata.

hodi dehan, nia parte apresia kna’ar foun hanesan feto ida bele lidera munisipiu Dili hanesan mos kapital nasaun, maibé fiar katak ema hotu bele servisu hamutuk no kordena malu halo furak kapital nasaun.

Ha’u sente agradese tebes, maibé pozisaun ne’ebé ohin ha’u simu hanesan ema hotu nia konfiansa mai ha’u, kargu ida ne’e la’os oportunidade mai ha’u tanba konfiansa ne’e hanesan responsabilidade boot ida mai ha’u atu lidera munisipiu Dili,” nia esplika.

iha sorin Seluk, eis Prezidente Autoridade Munisipal, Gaspar Soares, rekomenda PAM Dili founatu kontinua servisu diak no mos kontinua servisu ne’ebe seidauk finaliza iha nia mandatu.

Ha’u hato’o ha’u nia votus parabens ba PAM dili Foun Sra. Guilhermina desezu kontinuasaun ba susesu ba ita boot no mos nafatin kontinua buat balu ne’ebe ha’u seidauk bele halo hotu iha ha’u nia mandate, dala ida tan parabens ba PAM Dili Foun,” dehan Gaspar.

hodi dehan, nia niaparte sente agradese profunda ba funsionáriu sira tomak ne’ebé durante ne’e servisu hamutuk durante nia mandatu.

Ha’u hakarak aproveita oprtunidade ida ne’e, hatoo agradese ba parte hotu hotu ne’ebe fo ona fiar tomak mai ha’u no ba parte ne’ebe sempre suporta ha’u durante ha’u nia mandantu iha prezidente Autoridade munisipal Dili,” nia hakotu.