Lafaek News–Graduante Departamentu ICT, Institutu of Business (IOB), atual diretor media Lafaek News, Floriano Soares mehi kontinua estudu tanba materia IT, estuda nunka too rohan ho ninin.
Floriano Soares hatoo asuntu ne’e liu husi diskursu iha ba familia sira iha ámbitu fraterniazasaun ho familia husi lisan Behali iha Kristu-Rei, tersa (30/11/2021), hodi dehan maske hasai kursu lisensiatura maibé seidauk atinje tanba materia IT aprende laiha rohan.
Ha’u seidauk susesu maibé esperiénsia saida mak ha’u iha tenke hatudu ba familia nunee sira bele hatene ha’u nia esforsu ne’ebé ohin hetan nia rezultadu mak gradusaun signifika remata iha Universudade,” dehan Floriano.
Hodi dehan, maske moris liu husi dalan ne’ebé susar tebes, maibé ho familia no kolega sira nia kontribuisaun no motivasaun ohin loron konsege hetan ona diploma lisensitura iha universidade IOB.
Ha’u nia estudu la’os remata de’it iha ohin loron, maibé ba oin ha’u sei kontinua aprende tan, ha’u nia estudu seidauk remata no ha’u konsidera ha’u nia aan seidauk susesu, maske ohin loron ha’u hetan ona graduasaun iha universidade IOB,” nia deklara.
Diretor Lafaek News ne’e afirma, Iha momentu liu ba servisu iha jornal Timoroman atul Dili Post, hetan saláriu uituan hodi deside kontinua eskola iha universidade IOB ikus mai atinje mehi iha ohin loron.
Entretantu husi parte familia mos hatoo votu parabens ba graduante Floriano Soares tanba ho ninia esforsu tomak ohin loron bele atinje ninia mehi, “Ho maromak ita la’o susesu ho natureza ita la’o sei la sidi.
Jornalista : Orlando Magno
Editor : Agapito de Deus
.
