Lafaek News–Chief Operating Officer Of G7+ Felix Piedade informa, husi sekretariu G7+ servisu hamutuk ho fundasaun Kristal hodi promove no harii paz iha mundial liu-liu iha Timor-Leste ho pontus importante haat ne’ebé prepara tiha ona.
Pontus importante 4 husi G7+ nian mak hanesan harii organizasaun? 2. uza organizasaun ne’e halo saida?, susesu saida maka organizasaun ne’e atinje ona iha nivel mundial no mos iha Timor-Leste, saida mak Timor-Leste hetan bainhira hola parte iha organizasaun
Ami husu Prezidente Ezekutivu Fundasaun Kristal atu haree mos ba futuru G7+ bele servisu hamutuk ho fundasaun Kristal nunee uta bele fahe informasaun ba komunidade sira iha area rurais hanesan aldeia no suku,”dehan Felix Piedade liu husi nia Dirkursu iha salaun Kristal Balide Dili, Kuarta 17/11/2021.
Felix esplika, durante ne’e G7+ halo sosializasaun iha Ensinu superior lubuk ida iha Dili laran, nomos iha munisipiu 11, maibé Munisipiu Vikeke ho Bobonaru mak sira seidauk tama, tan ne’e husu atu servisu hamutuk ho Fundasaun Kristal.
Iha fatin hanesan Prezidente Ezekutivu Fundasaun Kristal Agostinho dos Santo Gonçalves argumenta, Fundasaun prontu atu halo belun ho G7+ tanba asuntu nee moa inportqntw ba hoven sira no mos bele evita problema iha rai laran.
Ami mos hato’o ba Doutor feliz Piedade katak, ami mos prontu atu ita servisu hamutuk tan nee hau sujere karik bele ita halo planu ida depois ita halo sosializasaun ba komunidade no estudante sira iha rai laran,” Prezidente Fundasaun Cristal Agostinho realsa.
Agostinho afirma, oportunidade diak ba estudante Kristal, tanba estudante sira ne’e mak aban bainrua sei sai lider, tan ne’e tenke iha fuan ne’ebé nakonu ho domin depois orsida, saida mak sira aprende iha semináriu ne’e tenke fahe tutan ba komunidade sira hodi hatene.
Nunee mos estudante husi Fakuldade Siénsia Saúde, Departamentu Enfermajen, Brígida Verdial Gusmão Ximenes, sente orgullu bainhira partisipa iha semináriu refere, tanba G7+ lori nasaun Timor-Leste nia naran bele servisu hamutuk ho nasaun sira seluk hodi haree ba iha asuntu konflitu.
Jornalista :Orlando Magno
Editor : Agapito de Deus
