Lafaek News–Organizasaun Noun-Governamental (ONG) FOKUPERS realiza semináriu nasionál hodi ajuda inan feton sira ne’ebé laiha kbiit kapasidade atu empodera ekonómiku iha ida-idak família.
Semináriu ne’e realiza iha salaun Saun José Villa-Verde, kinta (28/07/2022) ho tema harii koneksaun inkluzaun sosiál empoderamentu ekonómiku ba feto sobrevivente violénsia bazeia ba jéneru.
Iha Seminariu ne’e, reprezentante Uniaun Europeia, Carla da Silva Leitzk, afirma semináriu ne’e hodi bele ajuda inan feto sira ka sobrevivente ne’ebe laiha kbiit bele hakbiit sira nia kapasidade hodi nune’e bele tau matan ba problema ne’ebe familia enfrenta.
Ho projetu ida ne’e ami hahú iha fulan Fevreriu tinan 2020 too mai tinan ida ne’e ami sei halo tuir hakarak fo apoiu ekonómiku sosiál ka hakbiit sobrevivente husi violénsia bazea genero ou seminario ida ne’e nasional benefisiáriu husi munisipiu hitu ami hakarak ko’alia oinsá ami bele fo apoio efetivu ba sobrevivente laos Uniao Europeia deit tanba ami parseiru finanseiru governu sosiedade sivil igreja setór privadu media mos seluk tan, violénsia bazea ba jéneru mai husi sosiedade tomak entaun sosiedae tomak ita responde hotu oin ami hein katak bainhira projetu oin ne’e remata ami hatene planu estrajia bele halo tuir sobrevivente,” Carla dehan.
Carla dehan, FOKUPERS haforsa no hakbiit sobrevivente sira nia kapasidade sei remata iha fulan Outobro tinan ne’e, no tinan ida ne’e mos sei loke tan finansas foun hodi nakloke ba sosiedade no sobrevivente sira.
Iha fatin hanesan, Diretór exekutive FOKUPERS, Maria Fátima Pereira Guterres,apresia ba projetu ida ne’e tanba bele hamutuk ho sobrevivente hodi bele hakbiit sira nia kapasidade iha Timor-Leste.
Projetu ida ne’e oinsa reforsa diak liu tan maluk sobrevivente sira tanba hare ba konflitu passado ninian no mos fokupers ba maluk sobrevivente sira husi violensia bazea genero ninian,entaun ita hanoin katak dala ruma bainhira situasaun sira ne’ebe sobrevivente hasoru hotu tiha depois hanesan husik sira mesak laiha ema ruma akompana,projetu ida nee nia objetivu lolos mak oinsa ita bele ita labele sira mesak maibe nafatin lao hamutuk ho sira akompaña ho sira tau forsa hamutuk sira nia kondisaun ne’ebe iha komunidade”Tenik Nia.
Ikus lius jestora ONG FOKUPERS, fundamenta ezistensia Fokupers ha Timor-Leste objetivu hamutuk sobrevivente hodi resolve konflitu pasadu no presente iha sobrevivente no sosiedade enkuantu FOKUPERS bele ajuda no halo buat barak iha nasaun Timor-Leste.
Jornalista : Arnaldo Nunes
Editor : Agapito de Deus
