Lafaek News–Tersa 2/11/2021 Pe.João Gaspar SDB, hateten loron ida finadu, kreda hili atu fo hanoin ba nia sarani sira fo agradese ba Maromak ba moris tomak iha mundu.
Amu Selebrante hatoo asuntu ne’e ba Jornalista lafaek news iha kapela Nossa Senhora de Fatíma suku Leuro postu Administrativu Lospalos munisipiu Lautem Tersa 2/11/2021 hafoin remata misa.
Loron ida ohin, kreda hili atu fo hanoin ba nia sarani sira atu mai fo agradese ba Maromak ba moris ne’ebe fo ba sarani, ida ne’e nu’udar fiar nain ne’ebe tenke halo, agradese ba maraomak ba hirak ne’ebe mate ona, se la fo ba sira ita hirak ne’e laiha,” Dehan Pe.Joâo Gaspar SDB iha kapela Nossa senhora de Fatíma suku Leuro tersa 02/11/2021.
Pe João husu ba sarani sira bainhra haree atu fo hanoin kona-ba ba sira nia mate, fo hanoin mos ba ida-idak nia mate, no parte di’ak ida mak ne’e fo hanoin ba an katak prepara an ba hotu-hotu nia mat.
Ita rasik seidauk hatene kona ba mate, maibe loron ida sei mate,’’ katak pe. Joao
Tradisaun ida hanesan ne’e kreda kontinua mantein kuida no konsagra didi’ak atu nune’e koko hanoin nia sarani sira no hanoin mos moris ne’ebe sei mai, tanba ema moris iha rai ne’e temporal de’it.
Jornalista : Rita Moniz
Editor : Agapito de Deus
