Lafaek News—Brígida Soares nu’udar bin husi matebian Levenita Madeira ne’ebé tara an iha nia rezidénsia aldeia 20 Setembru Bebonuk, deskonfia nia kaben Teófilo Caldas halo selinkuh ho nia sekretaris rasik.
Matebian nia bin rasik ne’e afirma, antes ne’e matebian nia kaben Teófilio Caldas, komunika malu ho nia sekretaris liu husi mensajen, nune’e matebian rasik haree hetan iha folder mensajen telemovel laran provoka kedan frustasaun no deside hodi tara an.
“Hanesan Fen bainhira haree mensajen ne’e sente laran moras tanba iha mensajen ne’e la serve atu temi iha ne’e, depois mensajen sira ne’e inklui mos stiker korasaun oi-oin ne’ebé halo ami nia alin feto triste entaun matebian deskonfia nia laen Teófilo Caldas halo perselinkuhan ho nia sekretaris, nia rasik dehan ninia sekretaria ne’e nia subrina,” Brigida Soares Konta tuir matebian nia lia fuan liu husi pres konferénaia iha HNGV Bidau Dili, segunda semana ne’e.
Matebian nia bin rasik ne’e haktuir, antes ne’e akontese, foin lalais depois de domingu paskoa matebian hetan telephone ne’ebé ninia kaben uza rai hela iha uma, entaun matebian hetan mensajen ida tama, ho nune’e matebian husu se mak inbox hanesan ne’e mai ne’e? katuas hatan hodi dehan ne’e subrina rasik, ho ida ne’e komesa mosu ona dez-intendimentu ba malu, too ikus mosu dezintendimenru entre matebian ho nia laen hirus malu, nune’e matebian nia laen tuku kedan iha ninia matebian nia ulun.
Liu tiha ida ne’e iha loron 09 fulan Maiu 2021, matebian ba ninia bin Brígida nia uma iha Aimutin hodi konta ninia istória ho matan been, katak nia laen baku matebian depois habit matebian ba odamatan too nia liman no kotuk laran sira metan hotu.
“Hafoin Matebian ne’e mai vizita ha’u nia uma, ha’u rasik manda mensajen ba Senhor Teófilo hodi dehan, tanba saida mak ita boot baku ha’u nia alin too isin sira metan hanesan ne’e, nia hatan ba ha’u ho liafuan dehan ita boot sira hanesan familia hanorin nian imi nia alin ne’e,” Brígida esplika.
Brígida hateten matebian ho nia kaben Teófilio hola malu la’os foin horiseik, maibé sira hola malu durante tinan 16 ne’e ona.
“Hau telefone ba nia dehan Lita o diak hela ka lae? se lia ne’e ema atu ko’alia duni o labele tur mesak iha ne’eba, maibe tenke bolu familia sira partisipa nune’e sira bele hatene saida mak akontese ba problema, Iha domingu 16/05/2021 dadeer senhor Teófilio telefone ha’u katak, senhora ita nia alin xave odamatan dezde tuku 9 too agora la sai, entaun ha’u nia alin nain rua mak tun ba sobu janela hateke tama sira nia biin tara aan hela iha armáriu, maibe ida ne’e sei deskonfia de’it mate tanba tara aan duni ka lae?,” dehan nia
Entretantu familia matebian ne’e hatete, sira la deskonfia ema se mak oho, maibé tara aan ne’e loos ka lae, tanba familia sei dúvida ho matebian Levenita nia mate, tan ne’e familia sira husu ba parte relevante atu halo investigasaun ho lo-loos no mo-mos nune’e familia bele hatene klean motivu fundamental husi tara aan duni ka la’e?.
Entretantu, observasaun jornalsita lafaek news Orlando Magno, nota katak matebian nia kaben rasik ba aprezenta an ona iha Polísia Nasionál Investigasaun Kriminál (PNSIK) iha loron rua hahú husi domingu (16/05/2021) no segunda (17/05/2021) iha komandu jerál PNTL Kaikoli Dili hodi identifika kronolojia husi matebian Levenita nia tara an ne’e.
Jornaliata : Orlando Magno
Editór : Agapito de Deus
