Lafaek News—kompania fornesedor mina Esperansa Timor Oan (ETO) optimista sei fornese mina ba klientes sira ho durasaun semana ida nia laran.
Supervaijor kompania ETO, Armando Marques Leo hateten ETO prontu atende mina ba transportes públiku durante semana ida no ba da-daun ró kompania ETO atraka ona iha tasi-laran hodi hein prosesu evakuasaun mina husi ró mai rai-maran.
“Ami estok ETO nian garante semana ida nian ita nia ró tama ona komesa atu loke ona, mina ne’e sufisiente tebes no ita nia estok mos sei barak hela iha ne’eba,”dehan Armando ba jornalista iha Tiger full Bebora Dili, segunda (23/01/2023).
Armando dehan tan ETO nia ró ahi mai tiha ona, maibe ohin loron seidauk bele evakua tana loron feriadu maibé aban komesa prosesa ona mai rai-maran hodi fornese ba sentru abastamentu ETO nian iha Dili laran.
Tuir observasaun Lafaek news nota katak fornesedor mina kompania Realistic full ne’ebé lokaliza iha eskola 04 de setembro oin provizoriamente seidauk atende gazolina ba transporte publiku sira durante loron tolu ona.
Jornalista : Arnaldo Nunes
Editor : Agapito de Deus
