Lafaek News–Estudantes universitárius kompostu husi munisípiu 12 ho RAEOA husu CNE ho STAE atu kria sentru votasaun paralelu iha Dili atu labele prejudika estudantes sira gasta osan selu kareta iha eleisaun segunda ronde.
Iha konfernsia imprensa sábadu (03/04/22) portavoz, Rosario Doloroso Ximenes hateten, eleisaun iha primeiru ronde sidadaun barak lakon sira votus ba kandidatu nain 16, tan ne’e molok hakat ba eleisaun ronde segundu ronde iha loron 19 Abril STAE ho CNE tenke halo preparasaun ne’ebé dia liu atu votantes sira labele lakon direitu votus dala ida tan.
Iha II volta ne’ebe maka kandidatu nain rua sei ba ompete iha segunda volta, kandidatu Ramos Horta ho Lú Olo ami husi estudante sekundariu too universitariu husi munisipiu 12 inkui RAEOA, ami nia estudu iha Dili hatoo ami nia preokupasaun iha eleisaun dahuluk STAE iha alternative hodi hamosu sentru paralelu, maibé ba fali eleisaun segunda volta STAE dekalara sei laiha tan rejistrasaun sentru paralelu iha Dili, hanean estudante ami hatoo ami nia prekupasaun” dehan nia iha jardin 5 de Maiu Dili, sábadu (02/04/2022).
Portavoz estudantes universitariu ne’e husu STAE ho CNE presija hadia jestaun ho diak hodi kontinua loke sentru votasaun paralelu atu fasilita estudantes sira husi munisípiu 12 ho RAEOA ne’ebé hala’o hela estudu iha Dili, STAE no CNE labele hamosu konfuzaun no diskriminasaun ba sentru votasaun iha diaspora diak liu sentru votasaun paralelu iha Dili.
Ami estudante konsidera STAE no CNE halo diskriminasaun boot mai ami nudar estudante no komunidade enjeral husi munisipiu mai buka moris iha Dili, hodi dezaraska tente fila fali ba ida-idak nia munisipiu rasik, ami mos lakoi lakon lakon ami nia votus tanba kestaun estudu no distansia prezudika ami labele ezerse ami nia votus iha ami nia munisipiu, Ami pronto mobilija dadus sira hodi submete ba STAE bele hakaman servisu husi STAE, se wainhira STAE konsidera servisu todan ba STAE” portavoz ne’e akresenta.
Ikus liu estudante kompostu husi munisípiu 12 inklui RAEOA husu CNE ho STAE atu hala’o servisu ho professional iha eleisaun segundu ronde loke sentru paralelu iha Dili nune’e estudante sira bele vota, tanba estudante balun laiha osan atu selu kareta ba vota iha ida-idak nia munisípiu.
Ami hatete la dignu tanba iha primeira ronde, sira fo oportudade ba nestudante universitáriu hodi nune’e bele aprezenta iha STAE ikus mai iha estudante lubuk ida inklui ami rasik husi fakuldade siénsia sosiais UNTL ami halo rejistrasaun estudante lubuk ida atu halo votasaun iha sentru paralelu iha Dili, maibé ami halo rejistrasaun hotu ami lori ba STAE la simu ami nia rezultadu, dokumentus ne’ebe maka ami lori ba tau deit iha STAE, ikus mai ema barak maka la konsege ba tuir eleisaun,’’ portavoz ne’e hakotu.
Jornalista : Azelio da Cruz
Editor : Agapito de Deus
