Lafaek News–Eskola Bázika Filial Bubur-Naru, aldeia Samalete suku Tulataqeu postu administrativu Remexio, munisípiu Aileu harii husi tinan 2008 too 2022 seidauk hetan atensaun hosi Ministériu Edukasaun ikus ne’e fo impaktu ba estudante sira atu asesu prosesu aprendizajen ho dignu.
Iha kobertura espesial jornalista lafaek news iha postu Remexio, Koordenadór EBF Bubur-Naru, Antonio da Silva sente preokupadu ho kondisaun eskola refere ne’ebé fasilidade eskola menus hahúe dezde 2008 too agora,
Nia dehan, Eskola ne,e harii iha tinan2008 Didin ho au-betun no kalen to Tinan 2012 foin harii Fila-fali eskola ne’e, maibé too agora eskola ne’e rasik kondisaun ladún di’ak duni, tanba estudante husi klase 1 to klase 6 uza sala tolu de’it mak hodi hala’o prosesu aprendizajen lor-loron,’’informa Koordenador EBF Bubur-Naru, Antonio da Silva ba lafaek news iha aldeia Samalete postu Remexio foin lalais.
kondisaun fatin ba eskola ne’e rasikla permite ona, tanba estudante nain rua tur hamutuk iha kadeira ida hodi halao prosesu aprendizajen lor-loron no estudante sira labele aprende ho diak tanba total estudante ho númeru ne’ebe boot liu no labele uza ba sala tolu ne’e,’’katak Antonio.
Difikuldade ba eskola refere la’os ba fatin de’it, maibé kestaun seluk tan fasilidade la kompleta hanesan kadeira no meja, ho situasaun ne’e mak estudante nain rua tenke joint kadeira ida hodi simu materia husi professores sira no sala aprendizajen tolu de’it akumula kedan estudantes hamutuk 127 kompostu husi mane 80 no feto 47.
Iha tan problema hanesan livru ba estudante sira menus no mos fatin ba manorin nain sira mos laiha, entaun iha sala tolu ne’e fahe de’it t ho tripleks hodi uza hanesan fatin ba manorin nain, tanba kondisaun eskola mos agora seidauk plester no sala laran mos komesa kuak, bainhira anin boot sira tenki halai ses husi fatin ne’e, tanba anin huu edefisiu eskola nakdoko hanesan tula hela iha bee leten.
Husu governu liu-liu Ministériu Edukasaun atu toma atensaun másmu ba eskola Bubur-Naru atu reabilita iha tempu badak no kompleta fasilidade hodi fasilita povu kbiit laek sira nia oan eskola ho dignu.
Jornalista :Nicolau Fernandes
Editor : Agapito de Deus
