Lafaek News—Ekipa Taskforce munisípiu Lautém, kaer toman abitante na’in tolu lori dokumentu teste swab falsu husi Dili ba Lautem.
Komandu PNTL Lautém, superintendente Antonio Rego Fernandes informa liga ho asaun ema nain tolu ne’ebé falsifika dokumentu teste swab konsidera krime no sei prosesa tuir dalan loos ba Ministériu Públiku.
“Foin da-daun semana liu ba ha’u hetan tiha informasaun ida ne’e depois ha’u haruka kedas ekipa ida ba hamutuk ho saúde, ita nia saúde hateten mós loos duni abitante ne’e pozitivu, maibé nia tama mai iha Lautém iha loron 5 hatudu rezultadu negativu to família mai iha suku Lore abitante ne’e foin rona fali rejultadu ikus pozitivu, tan ne’e abitante ne’e iha hela izolamentu kuandu nia alta ona ita foin halo prosesu kona-ba falsifikasaun dukumentu ne’ebé nia komete ba,” afirma komandante PNTL munisípiu Lautém ne’e.
Superintendente Antonio relata, iha munisípiu Lautém deteta abitante nain 3 ne’ebé falsifika dokumentu, nain rua mane no nain ida feto, abitante nain3 ne’e mesak estudante de’it hein iha tempu besik sei aprezenta ba ministériu públiku.
“Falsifika dokumentu ne’e iha nain 3 ona, da-daun ne’e ita submete ona ba prosesu investigsaun ninian, depois ita sei submete ba ministeriu públiku, iha mós kaju seluk kona-ba abitante sira iha kuarentena estraga fasilidade estadu nian, kazu ida ne’e ba ona iha ministeriu públiku,” nia hakotu.
Jornalista : CE. Lautém
Editór : Agapito de Deus
