Lafaek News–Segunda 31/01/2022, ekipa susesu atuál Prezidente Repúblika Francisco Guterres Lú Olo, rejista ona nia kandidatura iha Tribunal Rekursu hodi kompete eleisaun prezidensia periodu 2022-2027.
Ami husi ekipa Atual Xefi estadu Francisco Guterres Lú Olo lori mai rejista ona nia kandidatura no husi Tribunal Rekursu dehan dokumtus ne’ebé ami aprezenta tuir buat ne’ebé mak lei eleisaun ezije”, reprezentante Ekipa Xefi estadu Francisco Guterres Lú Olo, Fernando Dias Gusmão, ba jornalosta sira iha Tribunal Rekursu ( TR), segunda (31/01/2022).
Tuir reprezentante ekipa Lú Olo, dokumentus hanesan karta deklarasaun aseitasaun husi kandidatu ninian, karta resignasaun ninia reprezentante, dokumentus komprovativu lista asinatura, no kartaun eleitorál husi sidadaun rihun sia.
Kartaun eleitóral husi sidadaun nain rihun sia de’it, tanba ami hakarak ajuda mos Tribunal Rekursu bele halo verifikasaun ne’ebé lais liu, maibé dokumentus ne’ebé militantes sira no povu tomak intrega mai ami rihun atus ida rua nulu resin-lima ( 125.000)”, deklara Nia.
Tuir ekipa ne’e katak, dokumentus sira ne’e labele lori mai hotu, ekipa lori mais ou menus 50 mill 40 mill foti tau fali iha kareta 90 mill hatama iha Tribunal Rekursu.
Prezidente Repúblika Francisco Guterres Lú Olo rekandidata nia a prontu atu kompete eleisaun prezidensiál 2022-2027,’’ katak nia.
Entretantu hafoin entrega hotu dokumentus iha edifísiu Tribunal Rekursu ekipa susesu Atuál Presidente Repúblika Francisco Guterres Lú Olo nia kontenti no basa liman iha edifisiu oin, serimonia anúnsiu rekandidata an ba Prezidente Repúblika periodu 2022-2027 halao ona iha munisípiu Ermera Domingo 15/01/222.
Jornalista : Rita Moniz
Editor : Agapito de Deus
