Lafaek news–Ekipa susesu Partidu Demokrátiku (PD), kuarta (02/02/2022) ofisialmente rejista kandidatura Mariano Assanami Sabino iha Tribunal Rekursus hodi kompete iha eleisaun prezidénsia periodu 2022-2027.
Prezidente ekipa susesu Partidu Demokratiku (PD), António da Conceição, informa PD ofisializa ona, rejistu kandidatu Mariano Assanami Sabino ne’ebé deside liu husi konvensaun nasionál.
Dokumentus hotu ne’ebé maka ami nesesita kompleta rezekitus, kompleta atu sai nudar kandidatu submete ona iha tribunal, agora ami hein tribunal sei fo notifikasaun, sekarik iha buat ruma ne’ebé sei presija” hateten nia
Antonio Kalohan reafirma, rekezitus ne’ebé Partidu Demokrátiku nesesita maka apoiantes sira aprezenta ba Tribunal Rekursu hodi apoiu kandidatura Mariano Assanami Sabino, total apoiantes 10.567 kompostus husi munisípiu 12 ho rejiaun Oe-kusse hodi hein de’it notifikasaun husi tribunais.
Jornalista MG : Azelio da Cruz
Editór : Agapito de Deus
