Lafaek News–Eis Prezidente Assosiasaun Turismo Relijiozu Timor Leste (ATRTL), Padre Ângelo Salsinha rekomenda ba xefe suku no autoridade lokal hotu iha territóriu nasionál Timor Leste, ho lian ida de’it hodi fo espasu ba governu no ajénsia internasional ho nasional hotu dezenvolve turizmu relijiozu iha rai-laran.
Atu dezenvolve fatin turizmo relijiozu la’os ema ida mesak maibe joven xefe suku xefi aldeia autoridade lokal tenke iha hanoin ida de’it no linguajen ida de’it nune’e ita bele forsa hodi bele dezenvolve fatin turizmu sira ne’e,”dehan Pe. Ângelo ba lafaek news iha Hotel Timor foin lalais ne’e
Tuir eis prezidente Assosiasaun Turizmu Relijiozu ne’e katak ba da-daun master plan ministériu turizmu relijozu hamutuk ho entidade kompetente seluk hala’o hela levantamentu dadus turizmu ne’ebé sei realiza iha Ainaro foka liu ba Ramelau, Oe-kusse no Ermera Fatubessi Nain Feto Peregrina, inklui Manatuto parte Soibada, Kristu-Rei Dili ho João Paulo II Tasi-Tolu.
Sorin seluk Vise Ministra Turizmu Komérsiu no Indústria, Inacia da Conceição Teixeira, haktuir enkuantu ko’alia kona-ba turizmu kada-vez ema dehan fasil atu implementa, maibé barak mak dehan turizmu ne’e emprega ema, tan ne’e tenke hadia internamente bainhira dezenvolve turizmu.
Governo liu husi ministériu turizmu indústria hasoru buat lubun, barak ne’ebé nia hadia bainhira ita rezolve dezenvovle turizmu iha Timor Leste, tanba atu dezenvolve turizmu Timor dala-ruma ita sempre hanoin katak turizmu sira ne’e iha ita nia matan de’it,” dehan vice ministra ne’e.
Tuir governante ne’e dadus balun foti ona iha tinan 2017, too agora dadus refere iha barak ona, se kuandu la foti dadus ne’e atu dezenvolve?, tanba husi dadus ne’e mak bele haree katak Timor ninia turizmu la hanesan ho nasaun sira seluk
Ita bele haree katak Timor nia turizmu la hanesan ho nasaun seluk ne’e mak saida ida ne’e, mak kada vez sai preukupasaun boot bainhira ita identifika lolos, bainhira lori ba mundu atu bele atrai turizmu internasional sira, bainhira ita kompete atu lori turizmu ba mundu internasional ita tenke hadia uluk ita nia uma laran antes lori turizmu ba rai-liur,’’nia hakotu.
Jornalista ：Domingas Viana
Editor : Agapito de Deus
