Lafaek News—Eskola Ensinu Báziku Filiál suku Bobometo sub-rejiaun Oesilo rejiaun Oe-Cusse, menus fasilidade meja-kadeira inklui ho professore nain tolu de’it mak hanorin estudantes hamutuk 356.
Koordenador Ensinu Báziku Filiál suku Bobometo, Leonardo Oki, informa ba Lafaek News katak eskola EBF Oesilo akumla estdantes hamutuk 356 no maniorin nain 9, maibé iha loron 24 Fulan Janeiro tinan ne Diretor Educasaun Rejionál Oe-Cusse, halo ona transferénsia manorin nain 3 iha eskola refere ba hanorin fali iha eskola seluk, tan ne’e prejudika prosesu aprendizajen iha eskola refere.
“Eskola ne’e profesores nain 9, profesores ne’ebe governo aloka mai ne’e nain 3, no profesores bolsa kandidatu nain 4, maibé ohin loron iha transferénsia tiha, hela de’it nain 3 ne’e sai fo impaktu ba prosesu aprendizajen, tanba menus Profesores,” Leonarda sublina.
Sala de aula ida tenki akumula estudante 50 ba leten, difikuldade iha eskola refere menus mos kadeira meza inklui mos livru.
“Kadeira meza menus mobilidade da eskola bee ba haris-fatin, sala de aula pas ona maibé, profesores menus depois livro de apoiu menus,” nia informa.
Ligadu ho problema iha eskola refere, koordenador eskola ne’e hato ona karta ba ministériu edukasaun maibé too agora seidauk hetan resposta.
Iha Sorin seluk Ministeriu Edukasaun Rejionál Oe-Cusse, Vincencio Cono relata katak, ligadu ho profesores ne’ebe ministériu edukasaun rejional Oe-Cusse halo transferensia ne’e tanba iha motivu balun ne’ebé hanesan nesesidade eskola ida-idak no total estudante iha eskola no pesoal profesores prioritiza servisu extra la protoriza ninia servisu prioridade hanesan profesores.
“Transferensia profesores agora dadauk ne’e iha motivu ami tenki ko’alia ida mak nesesidade eskola ida-idak, total estudante iha eskola pesoal profesores prioritiza servisu extra la pritoriza ninia servisu prioridade nudar professor, ida fali pedidu profesor kestaun saúde familia no idade, ida tan transferénsia ho sansaun edukativu, ida tan diskusaun ba relatóriu inspesaun eskolar ne’ebé mak durante ne’e inspesaun edukasaun sira hala’o kada eskola,” Diretor Edukasaun Rejional Oe-Cusse ne’e esklarese.
Entretantu estudante ne’ebé mak dadaun ne’e hala’o tuir prosesu aprendisagen iha eskola EBF Oesilo kompostu husi primeiru Ano to sexto ano total estudante hamutuk 356, atividade kobertura iha EBF Bobometo ne’e realiza, tanba hetan apoiu husi AJTL no Oxfam Timor Leste, no atividade kobertura ne’e hala’o ba da-haat.
Jornalista : Felix Fernandes
Editor : Agapito de Deus
