Lafaek News–Koordenadór Ensino Báziku Kasnafar (EBC), Alarico Antonio de Sá Freitas informa governu liu husi Ministériu Edukasaun Juventude no Desportu (MEJD) taka matan ba eskola Kasnafar, tanba kada tinan sempre afeta ba inundasaun.
Ami iha ensinu bziku kasnafar tinan- tinan sempre afeta hela inundasaun to’o agora parseiru ne’ebe suporta ami ne’e ALMA de’it, ALMA sempre mai suporta as vezes foin da-daun ne’e 2020-2021 ne’e ami kona hela mos mai haree tiha ona, ami nia ponte ida kraik ne’eba ne’e uza de’it manila lolos ne’e tenke halo ponte ne’e atu eskola labele afeta inundasaun, se lae la kleur tan iha ne’e la aproveita ona, hateten Alarico Antonio de Sá Freitas, ba Lafaek News iha kna’ar fatin EBF Kasnafar, segunda (16/05/22).
Ligadu ho situasaun ne’e koordenador EBF Kasnafar ne’e rekomenda kedan ba ministériu kompetente atu oinsá bele halo ona planu ida diak hodi konstrui barajen ida satan netik bee labele tama eskola laran, tanba kada tinan eskola risku loos ba lalubur (inundasaun) bainhira udan tau makas.
Tanba iha ne’e rai henek tama eskola sira ne’e, entaun tenke koopera ho komunidade inan aman para averse atunormaliza fali eskola ida ne’e ami bele kontinua prosesu aprendizazen, tanba ida ne’e rekomenda ba ministeriu kombatente atu oinsa bele iha planu para ba oin ne’e haree ona ba Ponte ne’e para bele eskola seguru eskola ne’e bele hetan seguru ses husi inundasaun,’’katak koordenador EBF ne’e.
Nia dehan, kada tinan bainhira eskole sofre inundasaun, professores sira mak hanoin rasik konvida inan-aman sira servisu voluntariu hodi normaliza eskola ne’e husi inundasaun, maibé se mosu tan udan iha fulan ida ne’e posibilidade edefísiu eskola bele estragus.
Estraga eskola foin dadauk mak ami normaliza fila fali, ami ho inan aman normaliza fila fali tahu dodok ne’ebé nakonu iha eskola laran, hanesan ne’e di’ak hela tempu udan mak ami risku, kuandu udan boot ona ami kona risku ona,’’dehan nia.
Koordenador EBF Kasnafar ne’e iha entrevista ho lafaek news hatete, iha tempu udan laiha ne’e aproveita orienta tékniku sira mai koordena ho professores sira atu bele identifika fukun lori inundasaun ba eskola ne’e atu nune’e estudante sira bele aprende iha ambiente hakmatek.
Ami nia rekomendasaun mak ne’e de’it oinsa bele normaliza ponte ne’e, bareira husi karik ne’e para eskola ne’e bele hetan seguru, se lae ami la hetan konstrusaun foun mos labele, eskola ne’e kondisaun fíziku la permite hotu ona”, nia hakotu.
Estajiadu Osias Eco
Editor : Agapito de Deus
