Lafaek News-–Eskola Públiku Pre-Sekundaria EBC 3_° Ciclo Hera, krize fasilidade kadeira no meja atu fasilidade estudantes sira aproveita prosesu aprendizajen ho di’ak/
Entretantu Diretor EBC Hera, Sancho Menezes hateten fasilidade eskola menus mak hanesan mesa kadeira inkluí moru eskola ne’ebé la seguru.
“Exatamente eskola Filial 3-° Ciclo Hera iha ninia agrupamemtu fasilidade eskola menus la halimar intermus mesa kadeira no-mós ba iha moru mós aat hotu, entaun ami iha ne’e hasoru duni difikuldade”. Dehan Diretór da Eskola Sancho Menezes, ba Lafaek News iha loron Sábadu semana ne’e iha EBC Hera.
“iha ne’e ami buka meius maibé meja kadeira la to’o entaun ami komesa fahe eskola ne’e ba tornu rua ba dadeer nia terseiru ciclo, loraik nia premeiru no segundu ciclo entermus de menus fasilidade inklui sala de aula menus entaun ami rezolve ho tornu rua mak eskola ida ne’e tama dader no loraik hodi bele sufisiente ba estudante sira,” haktuir diretor EBC Hera.
Nia dehan, seguransa iha eskola ne’e ladun di’ak, tanba moru ne’ebé fui haleu namtaten da-daun ona animal sira la’o tama sai areador eskola estraga ambiente eskola ladun diak no interompe estudantes sira iha prosesu aprendizajen, maibé antes ne’e diretor EBC refere hatoo ona proposta ba Ministeriu Edukasaun no fó ona responde hanesan meza kadeira, maibé ladun sufisiente.
“Ha’u hanoin Kona-ba sala de aula seguru maibé moru eskola nia mak ladun seguru tanba animal sira mos tama de’it i ema liur mós tama de’it, entermus ami nia seguransa mós laiha entaun ida ne’e mós difikulta ami”. Haktuir Director
Eskola Públiku Pre-Sekundaria EBC 3_° Ciclo Hera, estudantes total hamutuk (907) pessoas, inkluí Profesores ativu total (32) pessoas, Permanente (15), pessoas kontratadu (11) pessoas no voluntáriu (6) pessoas.
Jornalista : Zita Menezes
Editor : Agapito de Deus
