Lafaek News—Presidente Konsellu Imprensa Timor Leste (CI) Otélio Ote deklara, treinamentu ho tema Seguransa no komunikasaun ba protesaun Digital ne’e importante atu hasa’e koñesimentu jornalista iha era dijitalizasaun ohin loron.
Prezidente Konsellu Imprensa Timor Leste (CI) Otélio Ote, hatoo asuntu ne’e iha ámbitu abertura treinamentu jornalista ho tema Seguransa no komunikasaun ba protesaun Digital ba menbru AJTL sira iha Rádio Liberdade Hudi laran sesta (31/03/2023).
“Formasaun kona-ba seguransa digital ne’e atu ajuda tan ita nia atividade jornalistika ne’e sai di’ak liu tan, la’ós de’it asegura ita nia dadus, maibé asegura ita ema umanu, jornalista ne’e sai figura ida ne’ebé públiku, hanesan hanesan artista no hanesan jogadór, aproveita didi’ak nune’e materia sira ne’ebé hetan bele fahe fila-fali koñesimentu ne’e ba kolega sira”, katak Presidente Konsellu Imprensa Otelio Ote iha nia diskursu.
Ote espresa, KI apresia ba formasaun, formasaun sira hanesan ne’e formasaun ida espesiál ba ita jornalista sira tenke konsentra ba treinamentu ne’e tanba jornalista mak sai ajente primeiru atu koñese modelu ida ne’e, depois fó hatene ba maluk sira oinsá mak ita asegura dadus sira.
“Agora ne’e la’ós ita prióritiza ita nia talentu ba jornalistiku, maibé ita mós tenke eleba ita nia kuñesimentu di’ak liu tan atu sai jornalista ida ne’ebé profisionál no intelektual, ita mós tenki koñese ita nia an katak ha’u jornalista presiza asegura an to’o remata ha’u nia mandatu”.
Konsellu imprensa kontinua parseria ho AJTL, formasaun saida de’it mak AJTL inisia Konsellu imprensa nafatin fó apoiu.
Iha fatin hanesan Prezidente AJTL Zevonia Vieira afirma, treinamentu sira hanesan ne’e mak AJTL halo ba membru sira hodi hasa’e kuñesimentu ba mundu Jornalismu ba apoiu hanesan Jornalista direitus humanus, komunikasaun social ne’e importante tebes atu asegura a’an iha era digital.
“Siguransa Digital ne’e importante ba Jornalista sira ativista sira iha nasaun seluk sudeste Asiatiku ne’e digital ne’e sai hanesan amiaza bo’ot ba ema hotu liu-liu ba Jornalista ivestigativu sira, Impotante tebes liu-liu ba iha apoiu ba iha elisaun oinsa mak kolega sira iha ona kapasidade ka abilidade koinesementu kona-ba oinsa asegura a’an iha digital”.
Iha biban ne’e Prezidente AJTL hatete, Fi’ar katak durante loron rua jornalista sei komprende di’ak liutan husi fasilitador ne’ebé mak fo formasaun ba oinsa atu asegura sasan digital sira hanesan Facebook, Whatsapp, aplikasun sira durante uza da-daun ne’e.
Enkuantu treinamentu ne’e Asosiasaun Jornalista Timor Lorosa’e (AJTL) serbisu hamutuk ho INTERNEWS hodi realiza treinamentu ne’e foka liu ba iha Digital Security (segurasa dijital) ba membru AJTL na’in 13, durante loron rua husi 31 Marsu – 01 Abril 20E3, no treinamentu ne’e fasilita husi membru AJTL nain rua Adroaldo de Almeida ho Teodozia dos Reis, ne’ebe mak partisipa ona treinamentu iha Malaysia, durante loron lima nune’e fahe fali esperiensia hirak ne ba membru AJTL sira seluk, no akompana husi Bobby treinador seguransa dijital husi INTERNEWS liuhusi virtual.
Jornalista : Rita Moniz
Editór : Agapito de Deus
