LafaekNews– Diretór Saúde Munisípiu Manatuto (DSMM), Mateus Vicente Correia, informa, Ema na’in 12 ne’ebé mate Iha munisípiu Manatuto, Deskonfia Covid-19, maske seidauk iha identifikasaun ne’ebé mak loos, no ema sira ne’ebé mate maioria ho idade 60 ba leten
“Ami seidauk iha dadus, maibé atu hatete katak kada semana postu 6 iha Manatuto ema sempre mate 2 ou 3 no ema ne’ebé mate ne’e ho idade 60 ba leten, nune’e no ida-ne’e ami sei forma ekipa atu halo investiga kle’an liu tan kona-ba kazu mate ne’e, maibé ita hotu hatene katak mate ne’e seidauk liu husi identifikasaun ne’ebé mak loos, maibé tuir ami nia observasaun katak ema hirak ne’e mate tanba pandemia Covid-19,” informa diretór saúde munisípiu Manatutu, Mateus Vicente Correia, iha Novu Turizmu, tersa (21/09/2021)
Nia hatutan, ema sira mate ne’e maioria sira ne’ebé mak la asesu ba vasina, ba ema sira ne’ebé mak simu ona vasina sira moras maibé la mate loos duni kazu ne’ebé mak mate iha Munisípiu Manatutu to iha postu 6 ne’e, Manatutu Vila, Laleia, Natarbora, Laclubar, Laclo, Soibada.
“loos duni kazu ne’ebé mak mate iha Munisípiu Manatutu to iha postu 6 ne’e, Manatutu Vila, Laleia, Natarbora, Laclubar, Laclo, Soibada, atu hatete katak komunidade sira ne’ebé mak mate ho idade idozus 60 anos ba leten, no tuir observasaun ne’ebé mak ami hetan ne’e sira la asesu ba vasinasaun, depois hetan moras iha sira nia hela fatin, maibé sira tauk atu ba halo tratamentu, to ikus lakon vida,”dehan nia
Diretór ne’e afirma, hanesan knaar saúde sira tenki minimiza ou bele reduz kazu hirak ne’e liu husi sosializasaun ka advokásia ne’ebé mak di’ak, nune’e povu sira bele intende hodi asesu ba vasina.
Jornalista : Sandi Belo
Asiste Editór : Egidio Nono
