Lafaek News—Prezidente bankada Partidu Kmanek Haburas Unidade Nasional Timor-Oan (KHUNTO), Antonio Verdial justifika katak karta deliberasaun mai husi Presidente partidu KHUNTO Armanda Berta dos Santo hodi hasai deputada Olinda Guterres husi prezidente bankada.
“ Tuir imformasaun ne’ebe ha’u hetan, ha’u rona depois de ama Olinda kulia , ha’u deteta fila fali ba andamentu posesu administrativu ne’ebe husi partidu mai iha bankada klaru iha karta ne’ebe mai husi partidu KHUNTO ne’ebe hetan asina husi presidente KHUNTO, Armanda Berta dos Santos, depois to tiha bankada KHUNTO maka deputadu ami nain lima iha bankada KHUNTO, hodi halo deliberasaun iha bankada KHUNTO nian, tamba desizaun ne’ebe bankada foti ne’e desizaun koletiva, depois de realiza tiha deliberasaun iha bankada KHUNTO, representa bankada hodi haruka karta deliberasaun ba iha presidente pralamentu nasional, hateten Antonio Verdial iha uma fukun parlamentu nasional, tersa (13/02/2-24)
Membru parlamentu nasional ne’e mos salient, karta deliberasaun ba deputada Olinda Guterres husi nia kargu, hanesan president bankada KHUNTO iha parlamentu nasional ne’e, hetan orientasaun mai husi konselleru supremo partidu KHUNTO no mos prezidente partidu KHUNTO ho orgaun exekutivu.
“Atu simu ka la simu ida ne’e mak desizaun partidu nian, ita komprende katak ita mai sai deputada mai husi partidu ida, partidu mak haruka ita mai, no partidu mak akompana ita no partidu mak avalia ita, partidu KHUNTO la hasai distinta deputada olinda guteres husi partidu KHUNTO maibe partidu KHUNTO, fo dei’it orientasaun mai atu troka deputada olinda guterres husi nia kargu hanesan presidente bankada, distinta deputada olinda guteres nafatin sai deputada KHUNTO iha parlamentu nasional
Ikus liu Antonio Verdial mos apela ba militantes no simpatizantes hotu katak partidu KHUNTO laiha problema ruma iha partidu laran, tamba ne’e husu ba militante no simpatizantes sira atu kria nafatin unidade nasiona hodi lori partidu KHUNTO ba oin
Entretantu, Lafaek News temta konfirma eis Prezidente Bankada Partidu KHUNTO, Deputada Olinda Guterres, maibe la marka prezensa iha Parlamentu Nasional.
Jornalista: Mateus F. de Deus
Editor : Agapito de Deus
