Lafaek News–Komisaun Nasional Eleisaun (CNE), halo observasaun ba Kandidatu Prezidente Repúblika Tenente Jeneral (Reformadu), Lere Anan Timur nia kampaña iha munisipiu 4 hanesan Manatutu, Vikeke, Baukau no Lautem la’o ho di’ak ho amizavel.
Komisáriu CNE munisipiu Vikeke ho Lautem, Olavio da Costa Monteiro Almeida informa, tuir observasaun ne’ebé durante nee sira halo iha momentu kampaña kandidatu sira la kontra regras CNE nia ne’ebé fo sai antes ona.
Kampañia ne’ebé la’o husi inísiu to’o agora, em prinsipiu kandidatu prezidente Lere Anan Timur la kontra regras ne’ebé iha durante halo kampañia iha parte ponta leste,” dehan Olavio ba jornalista iha Lautem foin lalais.
Olavio esplika, CNE nia observasaun iha ponta leste kona-ba kampañia ida ne’e hanesan kampañia ordinaria, la’os kampañia extraordinaria ne’ebé kuandu to’o eleisaun iha siklu eleitoral ne’e sira mai aprezenta kandidatura depois kampañia hotu to’o loron silénsiu ba halo votasaun depois halo kontajen no halo apuramentu nasional hotu CNE lori ba tribunal.
Ida ne’e halo parte siklu ida ne’ebé ita iha pre-eleitoral katak, ita halo preparativu, kandidatu sira halo propaganda polítika iha fatin la’o iha koridor lei nú.03/2022 dekretu governu númeru 03/2022 artigu 14 ne’ebé ko’alia kona-ba kampañia eleitoral ho ninia prinsipiu sira,” deklara.
Jornalista :Orlando Magno
Editor : Agapito de Deus
