Lautem-Lafaek News–Delegadu Comisaun Nasionál Eleisaun Munisípiu Lautém, Anacleto Lopes hateten CNE sei halo servisu tuir natureza lei haruka no promove esklaresinentu liu husi edukasaun sívika ba sidadaun no partidu polítiku hotu iha Lautém.
Ami sei avansa ho atividades sira liu-liu esklaresimentu liu husi edukasaun sívika ba sidadaun sira kona ba aktu eletiral sira, ne’ebé iha períodu agora da-daun, ita la’o ida ne’e mak ami halo inklui mós Nivel rekrutamentu iha rekursu umanu hodi halo supervizaun iha Nivel postu, kontinua mós fo formasaun ba funsionáriu CNE sira oinsá atu halo supervizaun hodi garante hela prosesu hotu la’o tuir leis no normas ne’ebé iha,” Anacleto Lopes ba Lafaek News iha Nia kna’ar fatin CNE Lautem, segunda (05/10/2021).
delegadu CNE munisipiu Lautem ne’e dehan, oras ne’e da-daun nivel munisípiu ne’ebé ejekuta hela orden servisu husi CNE nasionál ami halo esklaresimentu iha tempu edukasaun sívika foka mós kona-ba tempu rezilénsia pandemia covid-19 nian.
Entaun materia hirak ne’e ami formula ona hodi hato iha edukasaun sívika, ami sei tun ba suku sira, CNE iha ona manual oinsá atu organiza eleisaun iha tempu pandemia ne’e, STAE no CNE iha ona forma ida husi parseru atu bele aplika iha tempu ida pandemia,” afirma Nia.
Entertantu, CNE Munisípiu Lautém kompremete katak sei organiza eleisaun prezidensiál la’o ho di’ak iha tinan 2022.
Jornalista : CE.Lautem
Editór : Agapito de Deus
