Lafaek News–Prezidente Comisaun Nasional ba Eleisaun (CNE-sigla protuges), Jose Belo, husu ba kandidatu sira ne’ebé tuir kompetisaun iha Eleisaun Prezidensial periodu 2022-2027, bainhira halo kampaña tenke uza liafun diak labele trata malu iha povu nia oin.
Ita iha kódigu eleitoral no regulamentu kampaña nian, bainhira kandidau sira atu fo sai liafuan ruma iha tempu kampaña tenke uza liafuan pozitivu no evita ataka malu, bele ataka malu maibé iha kontestu no regra servisu nian, la’os insulta malu ka insulta ema individu,” dehan prezidente CNE Jose ba jornalista iha CNE kolmera Dili, 04/02/2022.
Belo dehan, CNE mos sei dezenvolve programa ne’ebé bele ajuda Timor oan, liu husi kultura hodi ajuda mós kandidatu sira antes ba kampaña atu ema hotu bele simu malu ho matak malirin núnee se mak manan iha eleisaun bele sai prezidente ba ema hotu.
Papél importante ida mos populasaun tenke akompanha ho diak hodi fo votus ba kandidatu sira atu bele hili prezidente ida ne’ebé bele sai prezidente ba ema hotu,” Prezidente CNE Jose afirma.
CNE mos hakarak debate ho kondidatu sira núne’e hanesan ho ninia kontestu klean no dinámiku atu kandidatu sira bele hato’o sira nia hanoin bainhira sai prezidente karik tenke respeita mos ba konstituisaun RDTL.
Jornalista :Orlando Magno
Editor : Agapito de Deus
