Lafaek News–Konsellu Imprensa (KI) ofisialmente lansa media Bus ba jornalista hamutuk 20 husi media nasional 20 ne’ebé hetan kartaun kredénsial husi Servisu Tékniku Administrasaun Eleitoral hodi asesu kampaña prezidénsia ronde daruak.
Bus Tour ba dala rua ne’e ita akompaña oráriu kandidatu Prezedidente José Ramos Horta Ho Francisco Guterres Lú Olo, durante iha kampaña segundo ronde, Dehan Diretór ezekutivu KI, Rigoberto Monteiro ba jornalista sira iha Kintal Boot, kuarta (05/04/22).
Rigoberto fundamenta objetivu kona-ba media Tour Bus ne’e atu halo kobertura ba Públiku atu asesu informasaun loos kredível balansu no promove paz ba ema nia vontate sira atu deside nia votus iha loron votasaun 19 Abril 2022.
La’os halo de’it kobertura ba oráriu kampaña ho programa kandidatu nain rua nian maibé bele mos halo kobertura ba area rural tuir angulu jornalista ida-idak nia observasuan iha sosiedade nia moris hanesan problema infraestrutura saúde, edukasaun, asuntu feto no asuntu defisiensia seluk tan,’’ akresenta Rigoberto.
Iha sorin seluk, Kazumi Yamada husi embaixada Japaun iha Timor Leste, hateten maneira diak liu hodi garante reportajen bazea ba faktus husi fontes informasaun ne’ebé keredível tuir papel jornalista nia iha eleisaun.
Ha’u espera media Bus ne’ebé opera husi CI ho nia asisten husi governu Japaun no UNDP sei kontribui hodi fo solusaun iha ikus mai,” dehan Kazumi
Media ne’ebé maka tuir Tour Bus hamutuk 19 sei fahe ba kandidatu nain rua iha eleisaun segundu volta atu halo kobertura hahú husi loron 6-10 fulan Marsu 2022.
Jornalista : Acacio Pinto
Editor : Agapito de Deus
