Lafaek News Prezidente interinu Kámara Komérsiu Indústria Timor Leste (CCI-TL), José Alves, sujere oitavu governu estabelese sentru formasaun ida Portugal atu bele halibur traballadór Timor-oan sira iha ne’ebé servisu iha ne’eba labele toba iha dalan hanesan dignidade laiha.
Presiza sentru informasaun ida iha Portugal para Timor-oan, governu tenke loke sentru informasaun ida para fo informasaun ba labarik sira, sentru informasaun ne’e la signifika atu sustenta labarik sira, maibe pelu menus iha sentru ida bele hamahan ni kanaliza informasaun ba sira servisu,’’katak prezidente interinu CCI-TL ba lafaek news foin lalais iha restaurante Burger King.
José Alves rekomenda governu labele demora tempu, maibé tenke aselera oinsá buka ona solusaun ba maluk Timor-oan sira iha Portugal, importante tebes atu kria sentru informasaun ida Portugal hodi fasilita joven Timor-oan sira labele toba iha dalan ninin hanesan ema la’o rai, tan ne’e kria CCI-TL ho CCI Portugal ko’alia hamutuk inklui MNEK Timor Leste ho MNEK Portugal ko’alia hamutuk oinsá buka meius hetan kontaktus atu bele hetan servisu.
Ha’u hasoru ona embaixador Portugal ami sei husu atu prezidente CCI bele halo kontaktu CCI Portugal para fo rekomendasaun oinsá emprezas sira ne’ebé iha Portugal presiza traballador bele akomoda dadauk sira balun atu bele servisu, problema ne’e viral tebes maluk joven sira iha Portugal, primeiru hanesan joven ita hotu iha sentimentu, bainhira uluk ita sei joven temi ba servisu iha liur ne’e ita sempre hakarak, ida ne’e pontu de vista ida ne’ebé hau haree, joven sira ba liur ne’e mesmu sira ba ho fundus rasik, maibé tuir lolos presiza apoiu oinsá governu ho governu kria kondisoens ida ita nia joven sira oinsá sira ba rai liur atu hetan servisu,’’katak prezidente interinu CCI ne’e.
Tuir vise CCI no prezidente interinu ne’e katak, joven Timor Leste bainhira rona deklarasaun husi Prezidente Repúblika Portugal ho Prezidente Repúblika Timor Leste, foin hahú akordu inisial de’it, maibé joven sira aranke uluk ona, tanb ne’e parte CCI-TL hanoi katak di’ak liu lalika haruka sira fila, maibé governu liu husi Ministriu Negósiu Estranjeiru se bele envolve mós setor privadu oinsá bele iha kapitalizasaun.
Ami mos tenta ko’alia CCI Portugal oinsá bele akomoda sira, tanba ha’u hanoin Portugal iha servisu barak, hanesan ita hatene atu tama iha Reinu Unidu ne’e presiza ema ne’ebé sidadaun Portugés, maibé iha akordu entre Governu TL ho Portugal hanesan maun-alin, ne’e mak ami hanoi katak automatikamente sira bele akomoda ita nia joven sira, más ha’u hatene MNEK buka ona solusaun maibé labele kleur demais, tanba sira toba iha malirin de’it, governu buka solusaun lalais hodi akomoda sira, tanba sira sidadaun Timor, no sira ba tanba nesesidade sustenta familia uma laran,’’sublina José Alves.
Jornalista : Oseias Fernandes
Editor : Agapito de Deus
