Lafaek News-(Baucau)-Community Based Rehabilitation Network Timor Leste (CBRNTL) fasilita formasaun iha Suku Buruma kona-ba prevensaun violénsia bazeia ba Jenéru hodi hasa’e koñesimentu no abilidade lideransa sira hodi atende ba feto labarik no feto ho difisiénsia
Ami nia atividade ohin loron ami mai fahe informasaun sira kona-ba lideransa, lideransa lokal no Lideransa sociedade nian oinsa bele iha koinesementu ne’ebé klean hodi atendementu ba nia maluk ema ba difisiente sira, liu-liu ba feto no labarik feto difisiensia,’’ Koordenador ba programa Forsa Lian feto, Labarik Feto ho Difisiénsia, Umbelina quintão Maia da Cruz ba Jornalista sira Buruma munisípiu Baukau, Tersa (10/05/2022
Atividade formasaun lideransa ne’e hala’o ona iha tinan kotuk hahú husi fulan Outobru 2021ho durasan fulan 10 no sei remata iha 2022 iha fulan Juñu, maibé CBRN-TL nia atividade la’os mak programa ida haforsa lian feto ho labarik feto difisiensia iha komunidade, antes ne’e iha ona atividade balun CBRNTL halo iha Baukau hanesan iha suku Buruma, Samalari Laga ne’ebe liu husi grupo ajuda an kompostu husi ema difisiente sira.
Oinsá sira bele iha rasik sira nian atividade fila liman nian no oinsá bele partisipa iha dezenvolvementu nian, ne’e mak ami kria grupo rua, grupo ida iha Buruma rasik grupo ema ho difisiénsia, grupo ida iha Samalari Laga,” dehan Umbelina.
Partisipasaun komunidade suku Buruma másimu no hatudu sira nia antusiasmu ho interesante atu bele rona kona-ba asuntu ema ho difisiensia nian, kuaze komunidade barak mai ho ema difisiénsia hakarak rona no sira mos hakarak relata ema ho difisiénsia moris dignu ho direito hanesan ema la ho difisiénsia.
Moris iha modernu era globalizasaun tebes katak ita la merese atu halo violénsia, liu-liu maluk grupo vulneravel difisiénsia feto ho labarik feto ho difisiénsia sira la’os tempo ona ita atu kria violénsia, maibé ita halo nusa aumenta koñesimentu atu ita bele trata ema hotu, maibé la’os haree ba kondisaun, ita haree mos ema nia direitu nune’e ita bele kontribui iha dezenvolvementu,’’ nia hakotu.
Jornalista : Ana Romana
Editor : Agapito de Deus
