Lafaek News–komundade suku parlamentu, aldeia Soikili, postu administrativu Lautem, munisipiu Lautem, triste haree ai-rin eletrisidade neebe latan de’it iha aldeia refere durante tinan lima ona komunidade kontinua moris iha nakukun laran.
Hanesan komunidade ne’ebé pertense iha aldeia ida ne’e hau triste haree ai-rin sira ne’e, tamba kompania tula mai latan de’it iha ne’e, maibé too agora ahi la lakan” dehan, Marta da Cruz ba, Lafaek News, iha aldeia Soikili (22/11/2021).
Komunidade ne’e husu governu atu buka tuir kompania ne’ebé manan tiha projetu eletrisidade, maibé la realiza no besi rin hirak atu halo instalasaun tenke latan de’it iha rai to sai fruzen.
Iha fatin hanesan autoridade lokal xefe do Suku Parlamentu Angelo da Silva, lamenta tamba kompania lokal sira ne’ebé mai harrii ai-rin eletrisidade ne’e abandona nia obra.
hanesan autoridade lokal lamenta tamba ai-rin nee latan deit hanesan neeba kuaze tinan 4 ona hau nia komunidade kontinua nafatin iha nakukun laran tamba kompanha abandona nia obra, hau lahatene tamba saida mak obra nee paradu”
Entretantu komunidade aldeia Soikili iha uma kain atus rua lima nulu kontinua moris iha nakukun laran wainhira iha tempu kalan.
Jornalista : Anselmo Monteiro
Editor : Agapito de Deus
